معقولة لين اليوم 822 دولار؟ انا قبل 10 سنوات كنت استلم نفس الراتب بكاليفورنيا وما كان يكفينا حتى حق اسبوع..لا وحتى اللي انبعثوا قبلنا بـ5 سنوات كانوا يشتكون من الراتب!!…صدق محد حاس فيهم..حتى في كيرلا اليوم ما تروم تعيش بـ822 دولار( 3 الاف درهم تقريبا)…
لا ويبون يطورون التعليم بعد..
يلا يمعوا فلوس واصرفوا على عيال الغرب!!….
انت تختار…
للأسف الشديد تصدقون انه رواتب الابتعاث لطلاب الإمارات من وزارة التعليم العالي هي أقل رواتب في دول الخليج كلها!!!!! السعودية تسلم تقريبا 1500، والكويت مثلهم وقطر مثلهم اما الإمارات فتقريبا 900 دولار وصدقوني ما تكفي ابدا أبدا
ونقظة ثانية للأسف انه رواتب مبتعثين الإمارات تتفاوت فبعضهم (اللي عندهم واسطات وأغنياء) يستلمون 3000 دولار وأكثر، والفقارا اللي ما عندهم واسطات يستلمون 900 دولار، هذا الشي غير جيد لأنه يولد حسد وغيرة بين الطلاب المبتعثين إلى نفس الأماكن ويادون نفس المهمة بالضبط
نتمنى من المسئولين توحيد رواتب البعضات في الدولة لكل الجهات بحيث سواء ابتعث على الوزارة ولا الديوان ولا وزارة الرئاسة ولا جهاز الخدمة المدنية ولا جهاز الاستثمار يكون نفس الراتب للجميع وقت الدراسة، وبعد التخرج يستلم كل واحد حسب وظيفته
أما إن أسير أنا ورفيجي ندرس نفس التخصص في نفس المدينة وانا أستلم 900 وهو يستلم 3000 دولار وأنا وهو مب ملزمين بالعمل لجهة معينه فهذا فيه كثير من السلبيات ونتمنى من المسئولين تداركها ومراجعتها
وشكرا اخوي على الموضوع
نفس الراتب انا كنت استلمة من 11 سنة في امريكا
الله يخلي التعليم العالي.
واحد من ربعنا كان من بعثتهم, وكان يستلم هالمبلغ, 700 دولار للدورم (السكن الطلابي) من دون اكل. اقوله كيف عايش انت. نحن 1200 ايام اللغة ويالله تكفينا. قالي اهنلا يطرشولنا.
اذا التعليم العالي ما يقدر يصرف اكثر من جي, لا يرسل الناس هناك يتوهقون ويطالبون اهاليهم.
الله يعينهم بس.
الشيووخ مابيقصرووون ان شاء الله
بس الله يرزقهم
اللي تكون لهم خير عون في الدنيا والاخره
بصراااحه يستاهلون شباب الامارات والله يوفقهم
822 دولا ..!!! لا تعليق .. انا كنت في بوسطن الصيف .. والله بأسبوع تصرف فوق 1000 دولار ..
لا تعلـــــــــــــــــيق