السلام عليكم اخواني
عندي مشتل خاص في المزرعة
يحتوي على العديد من الاشجار والشتلات الخاصة للمزارع والبيوت
من الشتلات والاشجار الموجودة
رمان … موز … مانجو …ليمون….شجرة الناريل ….اللوز الابيض الاحمر ….شجرة القهوة ….التوت (الفرصاد) …العنب (البلدي) … والورد … والنعناع ويوجد بعد النعناع السعودي اللي يحطونه في القهوة وغيره الكثير .
وهاذي بعض الصور للمزرعة والاشجار الموجودة
هاي اللي في الصورة اللي تحت شجرة القهوة 
اللي حاب اي شي من الاشجار او الشتلات فالكم طيب
واللي يبغي يحضر للمزرعة ويختار على راحته بعد المزرعة موجودة في منطقة (مسافي )
والاسعار بكل تأكيد ارخص من السوق بوااايد
واللي حاب نوصل له بعد مستعدين ( الكمية تكون 10 شتلات وفوق )
واسمحولنا على التصوير مب واضح بسبب استخدام كاميرا الموبايل
للتواصل اخوكم بن مطير
0501422022
بنحط صور جديدة ان شاء الله بعد شوية
مرحبا ياخوي ان شاء الله فالك طيب
المانجو صغير 10 درهم ( الكبير مخلص حاليا )
الرمان 15 درهم
الموز 20 درهم حجم متوسط
العنب البلدي 20 درهم
ليمون 15 درهم حجم كبير
اللوز 10 درهم
التوت (الفرصاد ) 15 درهم حجم كبير
الناريل 30 درهم
واي شي تبغيه حاضرين ياخوي
بس لو تتواصل وياي يكون احسن رقم الهاتف 0501422022
اخوي كم سعر المانجو والرمان والموز و العنب؟
وبغيت ليمون عدد 2 و موز 2 و رمان 1 ومانجو 1 ولوز 1 وناريل 2 وتوت 2 وعنب 1
حياك الله يا خوي
المانجو الموجود حاليا صغار لانه الكمية اللي قبل كلها خلصت
بخصوص التوت موجود الباكستاني اللي هو بو الحبه الكبيرة
وموجود البلدي اللي هو بو الحبه الصغيرة وطعمه يكون حامض شوي حتى وهو مستوي
واي شي تبغيه نحن في الخدمة
حياك الله بو مجمد والله نحن اللي تشرفنا يوم زرتنا في المزرعة
وهذا واجب يا خوي
وان شاء الله الكمية اللي تريدها حاضرين يا بو محمد