صحيح الحياة اصبحت غالية

وسعر المواد الغذائية ارتفعت وغيرها من الاستهلاك اليومي والضروري

ولكن عندما يرتفع ايجار صندوق البريد

وكل سنه وهم يرفعون الرسوم

والسبب موضة الغلاء

اتصدقون قبل 3 سنوات كنت اجدد صندوق البريد ب 250 درهم

وقبل سنه ب 500 درهم

وهذي السنة 750 درهم

والسنة المقبله ممكن 1200 درهم

والسبب الغلاء

اي غلاء هو صندوق حديد نفسه من 10 سنوات ولا تغير ولا كبر ولا صار فيه شيء ابدا

المفروض الجهات الحكومية وشبه الحكومية تكون رسومهم اقل رسوم من غيرها

لتشجيع التجارة والاقتصاد وليس العكس

فما هو سبب غلاء صندوق البريد – الله اعلم

34 thoughts on “@@ رسوم صندوق البريد @@”

  1. حاولت اتصل بالمدير او خدمة العملاء

    وبدون جدوى

    ولا مجيب لمن تنادي !!!

    سأحاول اشتكي عليهم في وزارة الاقتصاد

    حماية المستهلك !!!!!!!!!!!!

    حسبي الله ونعم الوكيل عليهم

  3. صندوق البريد في ابوظبي

    وهذي أقل رسوم وبدون خدمات – وعندي رخصة واحدة

    وكل رخصة يريدون صندوق بسعر 750 درهم سنوي وبدون خدمات وحجم صغير

    وكل سنة وهم يرفعون اسعارهم وبدون حساب ولا رقيب

    الله يرحم ايام زمان يوم كانت تجينا الرسايل للبيت مع ساعي البريد

    وتذكرت كلمات الشاعر الكبير المرحوم – حسين ابوبكر المحضار

    وبصوت الفنان الكبير العميبد – الفنان – ابوبكر سالم بلفقيه

    (( وإلا سلام من بعيد – وإلا رساله بيد ساعي البريد )))

    ترى ساعي البريد موجود للحين اخوي لسه للحين يوصل رسايل
    يمكن بس عندكم لا

  4. الموضوع باختصار نصب وابتزاز باسم القانون؟؟!!!!

    قبل كم سنه رحت ابغى استلم معامله تجديد لاحد العمال قالولي لاسم صندوق بريد باسم المنشاه !!!!

    قلتلهم عندي صندوق خاص باسمي طرشوها علي قالو لا!!!!

    حولت الشخصي لشركه المهم كان الصندوق بحدود 300 درهم وكل سنه يزيدون ومن 4 سنوات ماوصلتني ولا معامله واجدد عالفاضي وهالسنه تجديد الصندوق زادووووه لضعف قلتلهم ابغى اشطب الصندوق واحوله لخاص لان مالي اي معاملات توصلني قالولي لا من يقوووول لازم تيب ورقه تثبت انك شطب المنشاه اوالغيتها والا مابنقدر نحول الصندووووق باسمك!!!!

    واذا انتهي عليك غرامات بتتراكم كل يوم 500 درهم!!!!!!

    رحت عند المديره وفهمتها قالتلي بالحرف الواحد كان في اجتماع بدبي وكلمناهم لان وااايد شكاوي وصلتنا بخصوص نفس الموضوع لان اغلب العملاء مايستفيدون من الصندووووق وكل سنه الايجار يزيد بس قالولهم بالحرف الواحد خليهم يجددون ماعليكم منهم هذا القانون!!!!

    يعني لو يبوووون مايقدرووون يطرشووون المعامله بامبوست والا ارمكس مقابل 20 درهم؟؟؟؟!!!

    بس هذا نصب واحتيال وباسم القانون وانا راسلت استيديوا ووووواحد يمكن عشر مرات عشان اشرح هالموضوع محد رد علي الى الان واتصلت بوزاره العمل ابغى اكلم الوكيل بخصوص المضووع ولاحياة لمن تنادي ونفس الشي للفرع الرءيسي للبريد المركزي ويعلها زقووووووووم بحلووووجهم ياااااااارب دامهم ياكلوووون كل سنه بيزاتنا بدووون مايقدمووون اي خدمه مقابلها والله!!!!!

    لابارك الله فيهم ولا بقوانينهم اللي صدق كل يوووم والثاني ندفع مقابلها ولكن والله مش عارفين لاي سبب ولا خدمه نتلقاهاااا مقابل هالبيزات كلها!!!!!

    اتمنى التعاون ياخوان ورفع شكوى جماعيه لمجلس الوزرا والا بيزصل رسم الصندوووووق 5000 درهم ولاحسيب ولارقيب وبندفهم غصب طيب

Comments are closed.