السلام عليكم ورحمة الله وبركاته
هذي بعض صور عن رحلة صيد في الربع الخالي في اجازة العيد .. ادري ان هالموضوع ماله شغل
في هالقسم ولكن حبيت اهدي هالصور لكل من يهوى الصيد البري ..
واخص بالذكر مشرفنا العزيز لأنه وعلى حسب علمي يهوى الصيد البري..
اثر الحباري بس ماحصلتها وخيرها بغيرها
منظر اعجبني وحبيت اني اصوره
هذي الصور كانت اول صيده للطير من بعد التعليم وكانت الفرحه عارمه .. عارمه ؟؟ مادري وين يت كلمة عارمه .. 
وهذي الصوره بعد الصيده الاولى
وهذي الصوره اول الصبح وكانت عباره عن ارنبين اثنى(إعدنه) و ذكر (خزز).
والسموحه منكم ..
تحياتي للجميع
ما شاء الله عليك يالكدن ياليت والله من خاواك في ذا المطراش والله اني اعدي به من سنين والله يعوضنا بخير في السنين المقبلات ………. مشكور على الصور الرائعه وفالك الحبارى
هلا وغلا بأخوي بوراشد وتسلم على هالمقدمه التي اعجر على مجاراتها , وفعلا البر له سحر خاص على الانسان وخاصه اذا كنت في منطقه مقطوعه مثل الربع الخالي ,, وقمة المتعه في حلول الليل وطلعة القمر وهو مكتمل , يحس الانسان انه في عالم ثاني ويتأمل في قدرة الخالق على خلق هالكون, امّا في مايخص الصيد فالمتعه في ترويض الطير وتعليمه ويتكلل هذا في صيد الطريده بالصقر اللي علمته وتعبت عليه, وساعتها تكون قمة السعاده وانت تشوف ان تعبك ماراح خساره …
وفي الاخير الحمد والشكر لله في معرفتي فيكم يا اخواني وانتم فعلا نعم الاخوه… وان شاءالله نكرر طلعتنا لبراكه ولا انسى مطاوعتنا وربي يوفق الجميع.
تحياتي لكم
مرحبا عزيزي الكدن
الي يحب البحر لازم يحب البر واعتقد انه الي يدور نقاوة الروح وصفاء الذهن لازم يجرب الحياه والعيشه في البر.وقمة النشوه والاحساس بالنجاح لما اتشوف انه تعبك على الطير ما راح بلاش.احساس بالنصر مب لانك اتغلبت على الطريده او حب في الصيد بس هذا احساس الوصول للهدف والي هو قدرة الانسان على تطويع الطير الجارح وتدريبه وتكون بينك وبين الطير نوع من الالفه والود.
و يا مرحبا بالساعه الي اخاويكم فيها حتى نوصل ونجتمع في الدار الاخره انشاالله.والله يوفقك دوم يا بوسيف وانته تستاهل كل خير انته و اهلك واخوانك ونعم الناس.
وانته يا بن منصور لاتتحراني نسيتك تاكد انك السبب من بعد رب العالمين في جمعتنا هذي.والسموحه منكم اخواني.
هلا وغلا يابن منصور وفالك طيب في الرحله الجايه
وان ماشالتك السياره تشيلك العين ..
وابو راشد لازم يسير معانا وهو ترا قنيص وراعي بر … بس هواية البحر بعد لها دور … وبالنسبه للصور اغلبها في تيلفون الثريا وماعرفت انزلها .. بس ان شاءالله اعرف كيف انزل الصور وفالك طيب
تحياتي لك
الحمدالله على السلامه يابوراشد وصراحه انك حركت الف عرق وشوقتنا للمقانييص والمره اليايه تراك هب محترك الا وانا على السيت وطبعا صلاح خخخخخخخ
بس ماضهرت صور الصيد كامله … وقرنااس ينشدبه الضهر لو مخاوينك عل الطيور الي عندنا على ماضن بنبطي على يوعنا لوووووول
بس بعده الصيد ويبالنا رحله