السلام عليكم
اخواني هالفكرة في راسي من شهرين و انا عن نفسي راسلت شركة بوفاتي للسيارات عن هالفكرة بس للحين مافي اي رد من صوبهم
الفكرة هي انه انا و شخص مرافق نقوم برحلة بالسيارة حول العالم باسم دولة الامارات العربية المتحده
بس الرحلة و المغامرة هذه تكون فريده بانه السيارة تكون افخم و اغلى سيارة في العالم و نفس ما قلت اني بعثت ايميل لشركة بوقاتي و ما ردوا علي
او انه مجموعه شباب في سيارات فخمه بحيث سعر السيارات كلها فوق المليون دولار و بهالطريقه بدخل موسوعه جينيس للارقام القياسيه و منها نكون او اماراتيين في مثل هالرحلة الفريده و اللي طبعا واثق انها راح تكون بداية تاريخيه
انا اول شي حاب استغل فرصه سباقات الفورملا في الدوله الشهر الياي لانها بتكون دعاية قوية لهالرحله و ثاني شي انه محمد بن سليم ابن الدوله في اتحاد سباقات السيارات و هالشيئين اكبر دافع و حافز لنا لهالفكرة
طبعا راح يكون هناك برنامج و تخطيط لهالفكرة و في ممولين من و خارج الدوله و رعاة
انا ارحب باي شخص يدعم هالفكرة و يشارك فيها و يقدر يعطي كلمه او غكرة فيها و انا مستعد اقابل و اقعد مع اي شخص حابب هالفكرة و يقدر يطبقها معاي على ارض الواقع
و انشاء الله الفكرة ناجحة
خويكم مروان البلوشي
في سعوديين لفو أوروبا وآسيا بكاامري وفي موضوع بالصور
صعبببببببببببببببببه
والله ياخوي فكرتك واايد حلوة ولو انه ماوراي دوام والتزامات بسير وياك وانا متأكد انك بتحصل دعم كامل مثلا طيران الاتحاد اللي هو الراعي الرسمي لسباق الفورمولا بيكون اول داعم لك ليش ماتتواصل وياهم وتعرض عليهم الفكره؟؟ وثاني شي انا ويا كلام اخوي راشد االفورويل يكون عملي اكثر واحسن ليش ما ترسل في البدايه لشركة بورش واودي ماعتقد بيرفضونك واذا كنت ملزم على صالون انا سمعت عن شباب من الكويت عملو رحله من الكويت لفرنسا في سياره نيسان جي تي قدييم موديل الثمانينات عبرو فيها اوروبا كامله تقدر تحصل موضوعهم في النت وتقدر تتواصل وياهم وتاخذ منهم الخبره عندي احساس انه في مجال كبير تحقق هالشي بس مثل ماقلت يبالك حد يشاركك الفكره بس اذا كنت عامل كل الترتيبات على ورق ومعروض في بوربوينت حاسب تكاليف الرحله وكل صغيرة وكبيرة بيكون فيها اكثر جديه انا كانت عندي مشاريع وعرضتها على شركات من قبل طبعا لازم تثبت لهالشركات انك جدي مثلا تعمل جدول فيه قطع الغيار اللي تحتاجها والمسافة اللي راح تقطعها والدول اللي راح تمر فيها وتكاليف المعيشه اللي راح تصرفها يعني كلها قعده كمن ساعه على النت وتختار الدول وتفتح قوقل ايرث وترسم لك طريق وتحسب المسافه وارفقها بصور المعالم السياحيه اللي راح تمر فيها في النهايه الشركه راح تعرف انك جاد وانك جاهز اتمنى لك التوفيق ياخوي ورحلة سعيده