رايكم ياهل الخبره مرسدس بورش لكزس

6 thoughts on “رايكم ياهل الخبره مرسدس بورش لكزس”

1. الغالي كان عندي بورش كايين .. الصراحة موتر ماعليه كلام

   الي يقولك ان الموتر يكلف .. ترا اصلا الموتر ما يخترب وايد !

   استخدمته سنه واشوي .. كراف فل ريس .. حتى البر دخلته .. كل الي دفعته عالموتر سفايف وسنسر فالمكينة الي يعطيني جك انجن .. السفايف مع الدسكين الي ورا بدلتهم ب 3000 واشوي .. والسنسر ب 400
   من قراج arm .. شغله شغل وكالة ومختص في البورش والفراري والمزراتي

   بس نصيحة بورش توربو لا تاخذ خراباته وايد على كلام الوكالة يوم سألناهم .. ما يتحمل الجو ,, وخذ 2009 وفوق لان من داخل الشاشة غير وفيها وصلات ايبود ويو اس بي

   بورش gts 2009 وانت والخير رباعه

   اللكزس ما اعترف فيه الا الاستيشن لكزس .. هذا له حالة استثنائية

   والمرسدس لو راعي كشخة خذلك سي ال .. او اس كلاس 550 موديل 2007 وارد .. وغير شكله 2011 .. من داخل نفس الشي .. بيطلع عليك اقل من 200,000 درهم … هيبه

   لكن لو تحب السرعه عليك بالـ سي ال 63 (تقريبا 310,000 درهم ) او سي 63 ( 210,000 تقريبا ) موديلات 2008

   والناس اذواق

2. موفق بإذن الله … لك مني أجمل تحية

3. سلمت ياخوويه رحوبي ولا هنت

   رايك اسعدني

   وننتضر راي الاخرين

4. اللكزس وبس سيارة ياباني معروفه مكده شيك بمخباك قوة هيبه تصليحها بورشة كورلا ابعد عن البورش شكلها غوريلا

5. المرسدس: يا الاس 500 او الجي ال 500 او ما عدا ذلك ==> ابعد

   البورش توربو: حشمه و هيبه…. ان بغيته صالون ؟ تراه ثابت وطياره او سواقته ممتعه للغايه …. و ان بغيته فور وييل؟ ما تغلبه الرمله. مريح و ما عليه كلام.
   بس التشييك = $$$ …. اقل شي 2700 درهم. تواير كل سنه وشوي تقريبا ….. ولازم اتجدد الضمان كل سنه حول 5800 درهم.

   اللكزس اقل ثبات وهيبه من الفوقيات، لكن دق سلف ولا تحاتي.

   رايي الشخصي و الشبااب افيدونك

Comments are closed.