رايكم في الـ فولكس واجن تيقوان ( مستجعل لا هنتوا )

9 thoughts on “رايكم في الـ فولكس واجن تيقوان ( مستجعل لا هنتوا )”

1. عندي باسات ٢٠٠٦ شريتها من الوكاله اختربت مرتين علي للحين مره الهاند بريك ماطاع يفصل حله كان بسيط فصل البطاره بعدين رد ركبتها والمره الثانيه مادري شو كانت المشكله بالظبط بس طوله السالفه اسبوعين لين ما صلحوها ب ٤٨٠٠ تقريبا غير هاذا السياره ما في احسن عنها المشكله هي كلها من صوب علي واولاده ماينور سرفس ٣ ايام ميجور يطولك اسبوع اشتكيت اكثر عن مره بس الرد دايمن هو عندنا زحمه وفوق هاذا كله كل ما دخلها تشييك ترجعلي بعاه السياره مره خدشو الجلد الي بالباب مره شحفو رنق مره ثانيه شحفو رنقين وعلى هاذا الحال ويوم اشتكي اكيد يحلفون والله والله هاذا كان موجود قبل ماتدخل السياره السرفس.

2. تراني قايلك فوق ^_^

   حق 4 او 5 سنين عقبها بيع ع طول عساس لاتتوهق فيها

   ولا اول سنين لها امورك طيبه

3. السيارة للإستخدام كـ بداية يا اخوي ..

   وبعد السنوات الثلاث أو الأربع ..بينباع الموتر ولو برخص التراب ..

   اشكرك عالإفادة الطيبة على راسي أخوي الشامسي ..

4. بالنسبه للمميزات….الفولكس يتميز بالثبات على المنعطفات وصعب يشووح وتحسه ثابت على الارض وثجيل

   بريكه…. ولا اروع سيفتي محترم
   الديكور واضاءات الطبلون وايد حلوه وراقيه

   هذه المساوء والمميزات اللي اعرفها

   موفق

5. انا مابفتيلك مثل الباقي اللي صاره اسبوع ولا شهر مجربها ويمدحها

   الاستخدام الطويل هو اللي يبينلك شو يعني فولكس واجن

   انا استخدمت الفولكس 3 سنوات او اقل بشوي ماذكر

   كان درس بحياتي اني ابتعد عن شي اسمه فولكس لمدى الحياه هههه

   قطع غيارها واااايد وااااااااااايد غااااااااليه حتى لو خذت شغل تجاري بعد غالي

   عيل احيد مره مبدل جمبينات قدام بس و (تجاااااري مب اصلي) بـ 1600 سعره؟! بدون التركيب

   المكينه.مره نقع سلندر فيها وبدلتها والمره الثانيه خبطت وخذتها من السكراب+التركيب= 8500 درهم هذا وموديل جديم بعد 2003

   فما بالك بموديل يديد

   الدرامات الواحد على 550 درهم؟؟! يعني الاربع كم!؟ شد حيلك

   الكمبريسر نقع خذته بكم؟؟ 1700 يديد+التركيب 2900….

   البيب استيرنق صغييييييير بيب صغير بس مايي طول صبعي خذته بـ 350

   بعد كل هذا انا اطريلك موديل 2003 وبهدل حياتي وقطعه غاليه الموديل اليديد تتوقع قطع غياره رخيصه؟

   عموما اذا بتاخذه وكاله زين لكن حط افبالك الموتر بمشيك 4 او 5 سنوات فقط وبتبدأ الخرابات اللي مالها نهايه

Comments are closed.