السلام عليكم

قبل شوي واصل العين .. كنت فدبي ويا ربيعي ،،

تقريباً قبل ما توصل العين بشوي ( عند منطقة مساكن أو قبلها بشوي ـ قبل شيشة ادنوك الي في الصوب الثاني ) في تحويلات بسيطة هناك

كنا ماشيين 150 تقريباً و صورنا الرادار الأول ( رادارات العين تصور فوق 160 كم )

قلنا يمكن الرادار مخرف أو صار تعديلات في السرعات لأنه شفت ناس يالسه تشتغل على الرادارت ونحن سايرين دبي ..

بعد ثلاثه او اربعه كيلو زخنا الرادار الثاني و نحن على سرعة 120 !!!
على طول اتصلنا بالشرطة 999 و خبرناهم شو السالفه !! .. قالوا انه في تعديلات على كم رادار في منطقة التحويلات و يزخ 101 كم !!!

تقريباً كل اللي كانوا سايرين العين زخهم هذا الرادار ! شيء غير متوقع
وحدود السرعة في منطقة التحويلات 80 كم ، نحن غلطانيين بس ما توقعنـا انه يعدلون على سرعة الرادار في هذي المنطقة من 160 إلى 100 ، ماتوقعنا انهم بيعدلون .. تعودنا انه حتى لو في مطبه في الـ High way مابيعدلون على الرادار !!!
عموماً الله كريم و توبه نسرع

و حبيت انبهكم بخصوص هذا الموضوع و الله يبعد عنكم شر الطريق

همسة : حد فيكم يعرف قيمة المخالفه هذي …؟

19 thoughts on “رادارت على خط دبي – العين تصور على سرعة 101 !! أنتبه”

  1. زخوني رادارين وانا امشي بين 150 و160
    ان شاءالله ما يخالفونا ويكون بس فلاش

    الله يستر

  2. عطونى مخالفه حزام الامان بالعين
    400 درهم و 4 نقط

    بالنسبه للنقط متى يمتسحن من الكمبيوتر؟

    بعد سنة من تاريخ المخالفة ..

Comments are closed.