دايما كنت ارفض العلاج في مستشفياتنا الحكومي بحجة الازدحام الشديد والمواعيد المتأخرة ويعني صارلي فترة كبيره ما اعرف احوالها .. المهم وانا يايه من الدوام باخميس حسيت بدوووووووخه كبيرة بعني مب قادره اركز وادعي الله بس يوصلني بالسلامه وانا عند الاشارات والازدحام شفت سيارة الشرطه عدالي والله من كثر التعب يايه بستنجدبهم لوووووووووووول بس اتلومت ترى صيحتي على طرف اعيوني اخاف اقوله سوق السيارة وانا بركب الدوريه اوياكم بس مجرد ما فكرت تميت اصيح كيف لوو اكلمه المهم اتصبرت لين ما وصلت البيت …
حسيت فيني هبوط لاني مب ماكلة شيء من الصبح تميت اقول يا الله كلي اتقوي اتقوي ما قدرت الساعه 11:00 فليل يوم الخميس الناس في السناتر وانا ادور مستشفى قريب الا وما اطيح الا على مستشفى
خليفه بعجمان
المهم قلت ما احب ها المستشفى اكيد زحمه بس مضطره لازم اشوف شو فيني ..
دشيت اقولكم حسيت اني داشه سكن عمال زحمه وريحه زي الارف ويداحرون على الباب مال النيرس اللي تاخذ الحراره والضغط
المهم درت وراهم قلت احترم القانون بس ما رمت ريحة ازوااااع جان اقول خل اطبق قانون ladies first مدام محد احترمني وحان اتجدم وكسر راسي جدام واحد مصري قالي تفضلي يا انسه احم احم
دشيت طبعا قايست الضغط والحراره قالتلي ( كلش مضبوط انته مافي شيء ) روح انتظر دكتور
عاد رقمي 56 وطابور جدامي اتريت ولاعت جبدي تميت متلثمه في المستشفى واسمع العويل واشوف الحوادث الله يسلمكم قلت براية بصبر كله ولا العوق اخاف اتزيد الدوخه
دشيت على الدكتور اقوله خلاص دكتور ما اقدر اشوف اي شي جدامي تم يسويلي بصبوعه ماحد اثنين وحليله عاد انا ما قلت انعميت قلت من الدوخه ما اشوف شيء
انزين قال انتي مافيييييييكييي شيء روحي بكره اي عياده خارجيه انتي كويسة خوذي ها الحبه ((( حبه بس حبه بالعدد )) وراجعي العيادة الفلانيه باجر
الحين انا لو سايرة مستشفى خاص ابسط شيء تحليل دم بيعرفون ها اللي جدامكم بخير فرضن مت عليكم عفان الله حبه يا ناس هاي لوو طاحت عني وين اييب بديل لها لوووووول المهم كنت ابا اعفص الورقه واضربها الدكتور من الحرجه قلت ماعليه يمكن ارهاق روحي ارقدي
روحت ورقدت نشيت اليوم الثاني الجمعه محد فاتح .. اتريت عياده خاصه العصر فتحت اول ما قلت حق الدكتور حالتي سوالي تحليل دم وحليلي طلعت
عندي نقص في الدم وضغطي نازل واااايد
بس قلت في خاطري حسبي الله ونعم الوكيل
معقولة مارام يقولي اسوي تحليل
بس ودي اسال ليش ها الاهمال في مستشفياتنا الحكوميه لين متى ؟!!
مستشفياات بوظبي الحكوميه ماقد سمعت عنها شئ ،،
صراحة انا بروحي مستغربه من هالمستشفى اللى سرتي له
صراحة انا حتى من عقب ما ظهرت الضمان الصحي ،، و انا ماسير المستشفيات الخاصه
تعاملي كله مع مستشفى زايد العسكري
احسه احسن مستشفى
المستشفيات الخاصه اسير لها اذا كان يوم اجازة
ولا حد مهتم المدراء اللي ياليسن على مكاتبهم ما يدرون شوو اللي يصير في اجنحة المستشفيات والله يعينا
والله هذا الموضوع تعبنا من كثر ماتكلمنا فيه والله اني مجروووص من هذي السالفه..!!!
الله لايسامحهم لادنيا ولا اخره يارب..!!!
الدولة تهدر المليارات على ها المستشفيات ما قصر بوسلطان من فترة عاطي كل مستشفى ميزانيه خياليه انزين غيرو الكادر الطبي المكاسل شوفوو شوو الاخطاء وحاولو تصليحها خل يشوفون شووو الفروقات مابين المستشفيات الحكوميه والخاصه بصراحه تعبنا
مستشفياتنا الحكوميه كلها تقريبا تعبانه
ماقد سمعت عن مستشفى حكومي بالامارات يمدحونه..!!!!