السلام عليكم ورحمة الله وبركاته
انا عندي كامري موديل 2004 و 4 سلندر
والمكينه راحت علي
والحين ابي ابدلها بمكينة 6 سلندر او اي مكينه تركب للكامري موديل 2004 بس ما تكون 4 سلندر
ممكن حد عنده خبره وينصحني بشو اركب
ولازم اغير القير ولا
وكم بيكلفني السعر
واكوون شاكر لكم
والسمووحه
شـكــ وبارك الله فيك ـــرا لك … لك مني أجمل تحية .
حبوب عندك خياارين
مكينة موترك عقها ف زبالة بدال ماتصلحها
ترانا فالامارات مب في امريكا
ومب كل كاراج يعرف يصلح مكاين
اللهم ينعدون عالاصابع
قبل فترة دقت مكينة موتر ربيعي
وعااد اونه صلحنا المكينة
وياريت ماصلحناها وخذينا وحده ثانية
المهم صلحنا وخسرتنا بيزات والموتر استوى اخس عن قبل
وبدلنا لها مكينة ثانية والحمدالله الامور طيبه
وموتر اخويه بعد
وديناه عند واحد ماتم حد فالشارجة مامدح شغله
والله ثم والله ثم والله لو كنا مخلين الموتر على مكينته الخربانه ابرك
الحبيب دمر المكينة ودمر الموتر وقال صلحنا المكينة
المهم شلينا الموتر من الكاراج وعلى طول ركبنا له مكينة يابانية والله الموتر الحينه 100%
من يقول مكاين وراد اليابان ماتكد …
المهم زبدة الكلام وانا اخوك
يا تدور لك على مكينة 4 سلندر ((عسبت ما تتلعوز في المرور وقت التسجيل
ولا تركب مكينة كامري 6 سلندر
انته والخير ربااعه
حط عينك على مكينة اوريون ولا كامري شكل اليديد
وبالتوفيق يالغالي
خلك مع نفس المكينة للاقتصاد او اذا تبى شي قوي للاستعمال اليومي شوفلك مكينة 1جي مع توربو وكاله بس ماعرف اذا بيركب او لا
صلح مكينة موترك ابرك لان اللي مطروح فالسوق كله ياباني وما يكد
صلح المكينه اذا تصلح او دور في السكراب