السلام عليكم ورحمة الله وبركاته

شباب انا لاقي اف جي وارد امريكا قير عادي ماشيه تقريبا 80000 ميل لونها رصاصي ومن داخل اسود السيارة بشكل عام نظييفة ..
انا عندي سيارة ثانية واريدها لفترة الشتاء ..
ابا رايكم هل الاف جي القير العادي او الاف جي بشكل عام فيها مشاكل او ملاحظات ..؟
وشو الاشياء اللي اللازم اركز عليها يوم بفحص السيارة .. ؟
وكم تسوى ؟؟

انتضر منكم المشورة يا اهل الخبرة قبل اشتريها ..

ومشكورين مقدما ..

12 thoughts on “رأيكم يهمنا ..بخصوص الاف جي قير عادي .. رأيكم يهمنا”

  1. الاف جي احلى مافيها خفيفه ومشايه في البر ماتردك ويالبيه لو قير عادي بتلعب صح

    والسياره بشكل عام مافيها شي بس مادانيها كشكل قبيحه ياريال خاصه من ورا

  2. تسلم يا بن دبي على المرور الطيب بس انا ما عندي مشكلة في ممشى السيارة ..
    انا ابا اعرف الملاحظات ان وجدت في السيارة بشكل عام ..

    رأيــــــكـــــم يـــــهــمنـــــا

  3. لتاخذها ماشية وايييد يعني فوق 120 الف

    خذ لك برادو بابين قير عادي اوكيه حق البر

    او جمس سيرا

  5. ( القير العادي فيه مشكله يوم تبدل قير بسرعه فيه كتمه بصيطه في المكينه يبرد الريس عقب ثانيتين يرد عادي وها الشي ما ينفعك في الرمله ) أونه سيفتي

    للعلم المشكله هاي في الأستيشن 6 سلندر 2008 و فوق قير عادي + الف جي قير عادي

    السياره بشكل عام ما فيها مشاكل

    سعرها ما بين 65 الى 70 الف فقط
    ما تسوى أكثر و قبل سنه كانت وحده عنابيه في العوير و طالب 72 نهائي ماشيه 32 الف ميل عليها هدرز تي ار دي + فلتر

Comments are closed.