السلام عليكم ورحمة الله وبركاته..أفكر في شراء همر، لكني محتار بين H2 و H3…! شو رايكم ..هل تشجعوني على الهمر…وشو عيوبها..هل تحتر في الصيف..الاستشين الجديد مب حلو أبدا ومواصافاته مب اللي هناك…شو رايكم في الجي أم سي ..أكاديا. وإلا يوكن..أو تاهو..محتار ياعرب…شو الراي..جزاكم الله خير
..
6 thoughts on “رأيكم في الهمر H2و H3”
Comments are closed.
مرحبا اخوي
بالنسبه للهمر اخوي عنده h3 2007 هيه سياره حلوه بس اخوي خبرني مره انه دخل فيها البر وليتات الي داخل كله اشتغلت الي هي جيك انجن
وبعد ليتات مااعرف شو هيه وبالنسبه للحراره العاديه فوق النص واذا دخلت فيها البر ترتفع على اخر
هذا الي اعرفه اخوي
وبالتوفيق
متى بتنزل 8 سلندر؟؟ وهل في تغير فالشكل والمواصفات ياليت لو تفيدنا؟؟
تبا راي
اذا انته تبا سياره عائليه وكشخه .. عليك باليوكن او تاهو
اما اذا بغيت سياره حجم كبير وشكل عليك بالهمر 2
اما همر3 ما انصحك فيه .. لانه خمسه سلندي والدفعه الجديده بتنزل ب 8 سلندر … بالتالي بتكون سيارتك ام 5 سلندر طايحه في جبدك …
صل الاستخاره و الله يوفقك ان شاء الله
يخوي احسن لك الكاديلاك اسكاليد او شبيهتها الياهو الديانلي بصرااحه ولااروع بذات الفل ابشن والي فيها شاشه ماشالله سياره هيبه بكل المقاييس ماعيبتني خير شر اول مانزلت لكن الحين سعرهاا حلوو وتصميمها ولااروع
بالذات الكادلاك اسكاليد وتتعدل باشكال حلوه
اما الهمر ياخي ضيقه بالذات 2 ومافيها شي مواصفات والاتش ثري تقول صندوق يمشي في الشارع الله يعينك على صرفيتها والباركنات
وبالتوفيق الشيخ والله يعطيك خيرها ويكفيك شرها ان شالله