السلام عليكم ورحمة الله وبركاته
طبعا كل البنات والسيدات يلاحظون اسعار العبي كيف طارت خلال السنتين اللي فاتوا
بدون مبرر
والموديلات اللي تغيرت ,,عموما هذا مب موضوعنا
للاعراس والاعياد الكل يحب يكشخ
من يومين قلت بسير بدور لي عبايا للعيد
مريت توشيه اللي في جميرا
انا اعرف انه اسعاره غاليه
بس هالمره بالزياده ,,,وتحس انه استهبال للبنات
المهم اقل عباه ب 4000 الاف درهم والاحلى ب6000 والوسط ب5000
شو رواتب موظفين بقيمة عباه ,,انا اقدر اشتري لكن عندي مبادئ
انا يلين الحين مقاطعه الشنط الماركات
كل وحده ب6 وب 5 واخوانا في العراق وفلسطين مب قادرين تغمض لهم عين
الحين الكل مركز على زيادة اسعار المواد الغذائيه
وغاضين الطرف على ها الزياده والتفاهه وللاسف اصحاب ها المشاريع
مواطنات (سيدات اعمال )
ياليت لو بناتنا تكون لهم مبادئهم مب امعه
ياليت لو سيدات الاعمال هايلا يكون لهم خدمات مجتمعيه
ويحسون بالناس خاصه طالبات الجامعه الل مب قادره تشتري لاب توب للدراسه
وتحاول توفر لتشتري عبايه للكشخه
عشان ما تكون اقل من ربيعاتها
اخر اخبار اسعار العبي..سمعت البنات يقولن…
العبايه الساده فى العين (موديل السمكه …وسيعه تراها ..يعنى ساتره) ب380 درهم…ليش؟؟
اونه تاخذ قماش وايد لانها وسيعه وايد من تحت !!!!
المشكله مب فى القماش..هم يريدون يحطون ستاندر يديد للاسعار…يعنى بعد كمن شهر بيقولون الاسعار اليديده للعبي الساده من 300 وطالع ..والسبب زياده الاسعار فى كل شي..وهذا كلام لوزان
…اونه المصنع يحطون السعر ومالين العبي بس اييبون الطلبات…خخخخخخخخخخخخخخخخخخريط