السلام عليكم ورحمة الله وبركاته
طبعا كل البنات والسيدات يلاحظون اسعار العبي كيف طارت خلال السنتين اللي فاتوا
بدون مبرر
والموديلات اللي تغيرت ,,عموما هذا مب موضوعنا
للاعراس والاعياد الكل يحب يكشخ
من يومين قلت بسير بدور لي عبايا للعيد
مريت توشيه اللي في جميرا
انا اعرف انه اسعاره غاليه
بس هالمره بالزياده ,,,وتحس انه استهبال للبنات
المهم اقل عباه ب 4000 الاف درهم والاحلى ب6000 والوسط ب5000
شو رواتب موظفين بقيمة عباه ,,انا اقدر اشتري لكن عندي مبادئ
انا يلين الحين مقاطعه الشنط الماركات
كل وحده ب6 وب 5 واخوانا في العراق وفلسطين مب قادرين تغمض لهم عين
الحين الكل مركز على زيادة اسعار المواد الغذائيه
وغاضين الطرف على ها الزياده والتفاهه وللاسف اصحاب ها المشاريع
مواطنات (سيدات اعمال )
ياليت لو بناتنا تكون لهم مبادئهم مب امعه
ياليت لو سيدات الاعمال هايلا يكون لهم خدمات مجتمعيه
ويحسون بالناس خاصه طالبات الجامعه الل مب قادره تشتري لاب توب للدراسه
وتحاول توفر لتشتري عبايه للكشخه
عشان ما تكون اقل من ربيعاتها
انا ما اداني مصخرة الشيل و العبي اللي مستويه هالايام ..اعنبووو شو هالاسعار
لكنهم ما يقصون غير على المغفلات
انا مسويه 3 اطقم شيل و عبي + شيله ..و اغلبهم شغل يد يعني تعب ب 800 درهم فقط لا غير ..و كلهم موديلاتي من تصميم و اخراج دبي بيبي
بس ما بخبركم المكان..لان اي مكان ادليكم اياه عقب يوم اسير القاهم دبلو الاسعار بقدرة قادر لوول
و تخيلي ان قبلها بفتره كنت افكر اخذ طقم عباه و شيله ب 1800!!!! لان شفته في معرض و عيبني و شغل بنات مواطنات مع انه ما يستاهل غير 500 درهم..بس عاد لازم يدبلون لان الحريم ما يعيبهم غير الغالي…لو يرخصون بيقولووون اخ شو هالقحط و نحن ما نلبس من هالرخيص..مع ان القطعه نفسها و التطريز نفسه و الخياييط بتان يعني نفسهم كل مكان جانه في ارقى مكان و الا اقحط مكان
الحمدلله اني ما انضربت في مخي و خذته
بعدين العباه الا نلبسها كم مره و عقب نعقها و الا تنطر و الا تحرقها البشكاره..شحقه المخاسير
شكرا بنت السلطان على هذا الموضوع الهام جدا
يعطيج العافيه
شكرا على هذا الموضوع الجيد
عسى بس البنات يحسوا شوي
صح يا اخوي بعض الحريم مقصة و لكن هاي هي اسعار السوق
يعني الوحدة اللي تبغي تلبس عباية راقية و مرتبة اقل شي 1000
و ترى مب الباكستانيين اللي قاصين على البنات و لكن بنات البلاد هم اللي اسعارهم اغلى بوايد من المحلات المعروفة و اسال و بتتاكد من كلامي
الاحظ الرياييل بشكل عام يستغربون وايد من هالاسعار لما تقولهم فستان ب 6000 او عباة بنفس القيمة او ايجار فستان عروس ب 15000 !!
ادخل المحلات و اسال و بتلاقي اسعارهم الووووووووووووف
صراحة مع ان هل الامور مب شغلتنا لاكن صراحة الحريم مقصة وليش البنغالي ولا الباكستاني يقص عليهن نحن بنقص عليهن ما باب نحن عيال البلاد وانتن بنات البلاد وخيركم خيرنا ههههههه وشكلي بدرس فتح مشغل متخصص لهل السوالف بس لو وحده راعيت خبرة وفاهمه وعندها دراسة جدوى لو تطرشها لي على الخاص بكون ممنون لها
لاني والله يل الربع استغرب عبي على هل الاسعار ولا داشه هل الامور براسي نحن يسون عبي سوداء سادة ويالله يالله توصل سعر العباية من 600 الى1000 مع غلاء الاسعار تراء يوم تخبرته ذاك اليوم قال ارباب ديزل في زيادة تقول يخيط بديزل الهرم