السلام عليكم ورحمة الله وبركاته

طبعا كل البنات والسيدات يلاحظون اسعار العبي كيف طارت خلال السنتين اللي فاتوا

بدون مبرر

والموديلات اللي تغيرت ,,عموما هذا مب موضوعنا

للاعراس والاعياد الكل يحب يكشخ

من يومين قلت بسير بدور لي عبايا للعيد

مريت توشيه اللي في جميرا

انا اعرف انه اسعاره غاليه

بس هالمره بالزياده ,,,وتحس انه استهبال للبنات

المهم اقل عباه ب 4000 الاف درهم والاحلى ب6000 والوسط ب5000

شو رواتب موظفين بقيمة عباه ,,انا اقدر اشتري لكن عندي مبادئ

انا يلين الحين مقاطعه الشنط الماركات

كل وحده ب6 وب 5 واخوانا في العراق وفلسطين مب قادرين تغمض لهم عين

الحين الكل مركز على زيادة اسعار المواد الغذائيه

وغاضين الطرف على ها الزياده والتفاهه وللاسف اصحاب ها المشاريع

مواطنات (سيدات اعمال )

ياليت لو بناتنا تكون لهم مبادئهم مب امعه

ياليت لو سيدات الاعمال هايلا يكون لهم خدمات مجتمعيه

ويحسون بالناس خاصه طالبات الجامعه الل مب قادره تشتري لاب توب للدراسه

وتحاول توفر لتشتري عبايه للكشخه

عشان ما تكون اقل من ربيعاتها

41 thoughts on “دعوه لمقاطعة محلات العبي!!”

  1. عباء ب5000 سبحان الله وياليتها ساترة وحشيمة
    يعني ادفع اكثر واخذ اثم اكثر ليش
    بس حتى يشوفوني الناس اني اقدر ومستواي فوق عندي فلوس (كبرياء البنات)
    الله المستعان ترى هذا محاسبين عليه
    لولا هل العبايات المخصرة والمدمرة والمعطرة جان احن بخير هي سبب رئيسي لضياعنا

    امس كنا انتي وختيه في محل عبي ولقينا واحد زقرتي يالس يشتري عبي

    حق منوه ما ندري ؟!

    بس كلهن قوم بو 7000 واكثر

    اشترى تقريبا 4 او 5 عبي

    خخخخخخخخخخ واحنا نقول ياحظها $$$$$ اللي يشترون لها اكيييييييد مب خساره فيها

  2. منو مدبل الاسعار غيركن يا حريم الي تبا فيها فصوص والي تبا فيها دانتيل والي تبا عباة كمبيوتر ومادري شو لازم هالمبالغ

    اما العباه الي تنلبس حق الستر اكيد بتكون 180 و 200

    الدوا فيدكم


    يــاخوي !

    مــب معنــاته انســوي عبــاه غــاليه وفــوق هالسعـــر ،، إنــها مب مســتورة !!

    مافي وحــده ما تبــا الســتر !!

  3. منو مدبل الاسعار غيركن يا حريم الي تبا فيها فصوص والي تبا فيها دانتيل والي تبا عباة كمبيوتر ومادري شو لازم هالمبالغ

    اما العباه الي تنلبس حق الستر اكيد بتكون 180 و 200

    الدوا فيدكم

  4. والله يــاختي ،، مافي يــلسة بنـــات تخــلى من هالمــوضوع !!

    =============

    لازم الأســعار بتوصل لهـــا الحــد ،، دام إنـه اللي يــدفعون ،، ويشــخطون ال Visa ،، مستعــدين !!

    ما أخفيــج ســر ..

    ســاعات اتيــني هــفات أفصــل عبــي ب1000 وشي !! لــكن مب أكثــر !! ولا وصــلت لدرجــة ال 5000 و ال 4000 !!

    مثــل ما قــلتي ،، العبــي الغاليــه ،، للأعــراس ،، قوم الهشــك وبشــك !!

    ومن يــومين شو ســويت !!

    خــذت لــي العــده كــامله ،، ووديـــتها محــل عــبي عــادي ،، عســب يفصــلي العبــاه ،، وبسعـــر ممـتاز ..

    وســالفة المقــاطعه ،، من زمــان ما أدخــل هالمحــلات الغاليـــه !!

    حــدي قــوم Sweet Lady ..

    لا اتوصيــن حبــوبه !!

    معــااااج ..

    ==============

Comments are closed.