السلام عليكم ورحمة الله وبركاتة
هذه دعوة مني للاخوة المقاولين والاستشارين والملمين في امور المقاولات
واسعار البناء
عرض اسعار البناء والاستشاره وارقام هواتفهم والايميل الخاص بهم
لتواصل الاخوة الاعضاء في المنتدى للاستشارة وطلب المساعدة
وارجو من الجميع بالمشاركة والاهتمام في الموضوع
راشد
ليش انت ماتفتح رخصه مقاولات وتيب مهندس اسجله في الرخصه واسوي ساب كنتراكت من الباطن بتوفر كثير الحين هل ايام سوق البناء نازل
ياخوي المقاولين مساكين وخصوصا الصغار منهم نحن هني في بوظبي خصوصا نستلم قرض 1200000 مليون وميتين الف درهم وبعد ماتكفي لبنا فلة اي كلام لان الهوامير من المقاولين هم المعترف بهم فقط عقب مايشيل المقاولة كامل يسير ييب لة بنغالية او اي مقاول صغير ويسوي وياهم عقود باطنية ب 150 الف درهم بنا عظم ويشطبها يعني ماتكلفة بالكثير 500 الف درهم ويحط في مخباته سبع مية الف درهم والحبيب راعي القرض مسكين يدفع على مدى ثلاثين سنة الله المستعان .
وعليكم السلام ورحمه الله..
انا اولا اشكرك اخووووي بجزيل الشكر على طرحك لهذا الموضوووع ، وانا كمقاول حبيت افيدكم ولكن ماشتغل لحد ، وانماا شغلي انا فقط ..!!
انا اتكلم عن بناء في راس الخيمه …،،
ولكن هناااك عاامه اساساات لكل بنااء يعني اساسيااات ، وليس اساس البناء ..!!
وكل مدينه يفرق فيها السعر وذلك لان المدن في تضخم من جميع النوااحي ..!!
سعر القدم كأي مقاول اذا حاب يشتغل على قيمه فايده اقل لحد 75 درهم. وتوووصل الى 140 درهم على حسب المخطااات والديكوراات الخ..!!
وايضاا يعتمد على نوع العماله ونووع طلب المالك نفسه من حيث تجهيزاات البيت الاسااسيه من صبغ ابوااب الخ ..!!
انا كمقااول اليوم اشووف ان ماافي مبرر للارتفاااع في اسعاار البناااء نهاائياا ، وبتقوول لي كيف ..!!
في البداايه بقوول شغله ربمااا انها تووصل للبعض كأول مرره ،
اليوم انا مقاول واذا جااني مواطن يبغي يبني فلته بحسب عليه بنياان عاادي ، ولكن هناااك طلبااات اخرى ترفع من سعر البنااااء ك دور ثااني وديكوراات وابوااب وحتى النواافذ وكل شيء ..!!
المشكله ان المواطن لماا يبني بيته ، المفرووض يلف على اكثر من مقااول ، وبعدين لازم يشوووف ويحسب من الصفر في كل شيء ..
البعض مناااا ايي ويقوول تعال يامقااول وخذ هااك الفله ابني لي وخلص لي ، مايراعي المساائل الاخرى ..!!
لماا اييني ويقووول ابني لي وانا بدفع لك ، هني انا كمقاول بستغله وبضرب عليه ..!!
وشي اخر ، مشروع الاسكاان خلت المقاولين في طمع واصبحوو يرفعون الاسعاار لما يشووف المواطن مايعرف شيء ابد …
انا اتكلم عن راس الخيمه ..!!
مثال قبل مانهي الموضووع ،
فله بنفس المواصفااات نظاام دورين ونظاام اسكان كلفتني اناا تقريباا كبنااء وانا كمقاول طبعاا احاول اني استفيد اني اييب ساماان بالجمله ويطلع علي ارخص .. بنيت بحوالي 730الف درهم على مساحه 3200 متر مربع ، وبنفس الوقت واحد الاخوااان ونفس التصميم ربماا تغيير بسيط فقط كلفه 960الف درهم ..!!!
نفس الشيء فهناااك المشكله تلاعب بين المقاولين ..!!
عاامه وحتى في الاماراات الاخرى ، اذا بتبني فله على حساابك الخاااص كنظاام اسكااان مثلااا تكلفه القدم ب 80 الى 100 واذا كثر 120 ..
ولكن اذا نظاام اسكااان والمقول عرف ان من الاسكاان فسعر القدم يكون 150 الى 180 درهم ..!!
يعني المسأله نبغي ان مشروع الاسكااان يجب ان يراعون هالشيء ، واذا نفس نظاام قبل ان المشرووع يبني لك يكون احسن وتبتعد عن جشع المقااول ..!!
علشاان جذي الحسبه تكووون ان المقاول يضرب ضربته بشغل الاسكااان ويعرف ان المواطن بيدفع زيااده من جيبه من اي مصدر ، بنك او حتى يتدين من اي مكااان ..!!
يضرب نسبه 30 % من قيمه الفله ويكوون ربحااان ..!!
فالحذر ياخوااان
مشكور أخوي راشد على الموضوع ولكن صدقني أخوي لا مقاول ولا إستشاري بيحط أسعارة لأنه يعرف أن سعر مواد البناء على إرتفاع مستمر وبيقول في خاطرة أنا إذا حطيت السعر وأرقام تلفوناتي وأسم الشركة بكون ملزم بهذي الأسعار أمام الناس ولا أقدر أغيرهن يعني أنسى حد يحط أسعاره وأسم شركاتة………….. مجرد رأي شخصي
والسمووووووووووووووووحه منكم……………………………
تقبل تحياتي ………………………….. أخوك ………………………… atm2000
معقوله ولا مقاول ولا استشاري من دبي لتقديم اسعار البناء والاستشارة في
منتدى الامارات للاوراق المالية؟؟
؟؟؟