السلام عليكم
اخواني الأعزاء
حبيت استفسر عن تجاربكم في دراسة الماجستير في بريطانيا :
1- كم المعدل المطلوب في جامعات بريطانيا ( مع العلم في ناس قالولي مايهتمون في المعدل )
2- الجامعات الممتازة في بريطانيا المعترف فيها من التعليم العالي في الامارات
3- تكاليف دراسة للماجستير
4- تكاليف السكن
5 – مدة الدراسة ( مع العلم انا موظف ف كيف اوفق بين الدراسة وجهة العمل )
6- خارج لندن ولا داخل لندن ايهما أفضل
وأي إضافات نسيتها ياليت الأخوان يفيدوني
السلام عليكم
أخوي أنا حاصل على الماجستير من بريطانيا .
والجامعات هناك وايد ولكن أنا اللي كن أدرس فيها .جامعة بورت سمووث تبعد عن لندن العاصمه حوالي ساعه ونصف بالقطار
أخوي ماأنصحك تدرس في وسط لندن لأسباب كثيره .
أما بخصوص الرسوم الدراسيه تتكلف حولي 80000 الف درهم
مدة الدراسه تعتمد عليك .
التعليم العالي لا يشترط أ، تكون منتظم هناك ولكن يشترط اقامتك مدة 30%من مدة الدراسه وهذا فقط للماجستير
أتمن أن أكون قد وفقت في اجابتك .ولأي استفسار أنا حاضر
أخوك بوسلطان.
مرحبا وغلا
اشحالك عساك بخير
أول شي الله يوفجك ثاني شي السفر لدراسة الماجستير في بريطانيا يباله ترتيبات هب بسيطه نوعا ما
مممم….
انت شو التخصص لي تباه ؟
معظم الجامعات يطلبون منك الايلتس ما بين 5 ونص او 6
طبعا وبدون اي كلام الدراسه خارج لندن بسبب غلا السكن والمعيشه هناك …
الجامعات اللي معترف بها حسب الكشف اليديد من التعليم العالي , هي كل الجامعات اللي تحمل اسم المدينه او المنطقه لي فيها… بالاضافه الى بعض الجامعات الثانيه ما تذكر اساميهن الصراحه ..
رسوم الدراسه تقريبا متشابهه في اغلب الجامعات يعني ما بين … 7500 باوند الى 9000 باوند
الباوند=5.9 درهم
ممم انا طبعا ارشح لك جامعة مانشستر …. ليفربول ….. ليستر ….لانك شاير ….وغيرها من الجامعات …
ممم شو بعد هيه ..
هناك نوعين من الدراسه ..
فل تايم و بارت تايم
طبعا الفل تايم احسن لك ..مدة سنه بس فعليا 8 شهور وخلال شهرين تسلم البحث يعتمد حسب الجامعه
وطبعا لازم تكون قاعد في بريطانيا بما يعدل 160 يوم عسب يعتمدون لك الشهاده في التعليم العالي
البارت تايم …مدته سنتين ..ولازم تقعد في بريطانيا عسب المعادلة 3 شهور عالاقل يعني 90 يوم
والدراسه بتكون حسب الجدول لي بيعطونك اياه .. يعني كل 3 شهور او شهرين ترووح لمدة اسبوع او اسبوعين
اوووف تعبت …..ههههههه
اذا بغيت اي شي كلمني وبساعدك …. عالخاص طبعا وبعدين بنتفاهم
بالتوفيج وسامحني طولت عليك
مشكورة على الرد الغاليه
انا بدرس على حسابي الخاص بدون بعثه
أستاذي حسب بحثي وخبرتي في موضوع الماجستير .. بخبرك إن التعليم العالي ما يبتعث للدراسة في بريطانيا إلا التخصصات السوووبر نادرة لأن تكلفة التعليم هناك لشخص واحد تعادل تعليم 5 في أمريكا أو استراليا
الشيء الثاني إن الجامعات البريطانية تركز على التوفل والمعدل أكيد لكن ما عندها امتحان الكفاءة الامريكي وهذا اللي يسهل القبول فيها أكثر عن أمريكا ..