السلام عليكم و رحمه الله
حبيت اطرح هالموضوع..
شو الحل في زوج يكلم وحده من ورا زوجته ؟ و الزوجه عندها اثباتات و ادله مؤكده(100%) انها مثلا” سمعت صوتها او شافت مسج … بس الزوج ينكر كل شي!!
شو رايكم؟ و شو الحل؟ و شو تقدر تسوي هالزوجه غييير الدعاء له بالهدايه؟؟
يمكن ردي ما يعيبكم…
بس من رأيي..
تتطلق..وترتاح..
وولكم دينكم ولي دين..
اسمح لي ياخوي ،، لكن هذا مب عذر !!
مب مرتاح ،، مب عايبتنه ،، خله يسير يعرس وألف عافيه عليه ،، ان شالله
لكن مب يغصص على حرمته بها الطريقه !!
والله إنه شي يعل القلب ،، لكنه وين اللي يحس بحرقة قلب الحرمه !!
الحمد لله إنه ما يسوي شي
بالحرام !!بالله عليج يا أختي ،، خبريني كم بـال % من الأزواج مخلصين لزوجاتهم ،، ومالهم علاقات هاتفيه !!
والله إنه شي صعب جداً ،، لكن نصيحتي لهذه الزوجه ،، إنها ما اتحاول اتصارح زوجها بخيانته ،، لأنه من سابع المستحيلات إنه يعترف !!
من باب أولى اتفكر كيف ترجع زوجها لصوابه ،، طبعاً هذا ما راح إيي إلا إذا صبرت نفسها ،، وكظمت غيظها ،، وحكمت عقلها
أولاً ،، عليها إنه اتذكره بالحلال والحرام من هذي الناحيه ،، يعني من باب السوالف معاه
ثانياً ،، ممكن إتيه بحيله !! يعني مثلاً اتقول له يا بو فلان ،، اتقي الله فيني ،، انته شو مسوي ؟؟؟ طبعاً بيسألها باستغراب ،، اترد عليه ،، اتقول إنه دايماً تتعرض لتحرشات من الرجال في أي مكان !!
واتذكره ،، بإنه اللي يتعرض لأعراض البنات ،، رب العالمين راح يسلط عليه من يتعرض لعرضه !!! وكما تدين تدان
والله لا يبـلي أي زوجه بزوج خاين ، مستهتر ،، لعــاب !!
no limit اخوي ان اخالفك الرأي مبشرط انه زوحته مقصره زيما قلت انته لا هذا مب سبب ابداً مقصره وياه يصارحها ويناقشها بالقصور ولكن قد تكون نزوه عابره او انه ها الريال متعود ومايقدر يعيش من غير ها السوالف … اللهم لاشماته .. ويفترض ان زوجته لو عرفت فعلاً وعندها ادله يجب الا تتصرف تصرف عنفواني وتعصب وربما تخسر ريلها ولكن تصبر عليه وتحاول اتناقشه عندما تسمح الضروف وفي الوقت المناسب .. وبالنقاش تنحل الامور .. المهم تمسك نفسها وأعصابها وماتتهور اطلاقاً …. والله مع الصابرين … ونسأل الله الهدايه لنا جميعاً .. وحب اقول انه واااايد ازواج بيرمسون ولهم علاقات خفيه وليس الكل طبعاً .. الله يهدينا ويهدي ازواج المسلمين اجمعين
بس ممكن سؤالي ؟
ليش يرمس دام انه متزوج ,, اكيد مب مرتاح او شي مها القبيل هااا .؟
مجرد راي