موضوع ارتفاع الاسعار عندنا في البلد موضوع معقد وايد
لاسباب كثيره وخطيره لا يتسع المجال لذكرها
لكن باختصار مفيد
حتى لو وصل سعر البترول 100 درهم للغالون ما حد يروم يقول اقق تدرون ليش
نحن عندنا في البلاد تركيبه سكانيه خطيره جدا جدا والمشكله ان اصحاب الشان والقرار لين الحين مش ماخذين قرارات جديه وحازمه .
غالبية التجار عندنا اجانب لاعبين في البلد لعب ومتحكمين في مصير هالمواطن المسكين لدرجة ان البقدونس وصل الكيلو 40 درهم والله على ما اقول شهيد
الثقافه الاستهلاكيه عندنا وصلت لمرحله خلتنا نتفوق على العالم بمرض السكري والكلسترول
لان الشعب عندنا شبعان لدرجة الناس معظمها يالسه تسوي رجيم وتخسيس وربط معده
حكومتنا الرشيده يالسه تطبق اتفاقية التجاره الحره بحذافيرها وهذا شي غلط من وجهة نظر مواطن مسكين
عدم تشجيع المواطن وتحفيزه وتقديم التسهيلات له من اجل المساهمه في الانتاج والسبب مثل ما قلتلكم اتفاقيه التجاره الحره
تخيلو محاظره عن التوطين في بلادنا يناقشونها اجانب يتكلمون انجليزي لا تستغربون باجر يفرضون علينا لبس الكرفتا في المدراس
ما عندنا في البلاد شي اسمه راي عام يخلق افعال والسبب عدم المقدره على انتقاد القرارات التي تصدر من اصحاب السمو اللي هم يعتبروون بشر يخطون ويصيبون وعدم المقدره على المشاركه في صنع القرار .
شيوخنا ما يقصرون ينفقون الغالي والنفيس من اجل الشعب والبلد لكن البطانه والاستشاريين الله يصلحهم
النتيجه شعب ياكل ويشرب ويقول ان شاء الله
امنيتنا ان يتبدل الحال للافظل ويعز شيوخنا ويحفظهم ويحفظ بلادنا ويكفينا شر المستعمرون الاجانب
ودمتم سالمين غانمين
3– يُمنع منعاً باتاً توجيه أي انتقاد أو إساءة لسياسات الدولة الداخلية و الخارجية في كتابة الردود ( حتى و إن كان بالغمز و اللمز )
اسال الله يرحم الحال وتزين الاحوال
بارك الله فيك
الله المستعان