السلام عليكم ورحمه الله

امممم انا دايما اسمع عن خواطر شعريه وكتابات قصيد عاد انا خواطري تجاريه وبمقتطفات تجاريه 🙂

1- تخفيض الاسعار اقل من السوق عباره عن اخر شي يستخدمه التاجر لتصفيه بضاعته لان بعدها مابيقدر ان يمشي بضاعته بسعرها السابق وبيخلق له منافسين جدد اصحاب قدرات ماليه اكثر فهالشي يلجا له التاجر في النهايه او عند تصفيه المحل وفي اي حاله اخرى بيكون دخل في منحنى خطير
( على عكس مايعتقد اغلب الناس ان تخفيض الاسعار عباره عن شي مناسب ))

2- اين المكاتب العقاريه عن ادارة العقارت الدوليه
الكثير من الخليجين عندهم عقارات في لبنان ومصر والدول العربيه الاخرى والدول الاوربيه ومايستعملونها الا بالصيف واحيان يعطونها مكاتب تديرها لهم من نفس البلد لكن يخافون من الخداع فأين المكاتب العقاريه المحليه عن هالخدمه وفيها ربح ممتاز 😉

3- الثقه البعد عن هالموضوع بكل اشكاله التجاره عباره عن ارقام واوراق وموضوع الثقه خطير جدا
(( مره من المرات شخص قال لي بدخل معاك قلت له لازم تسافر وتجيني قال لي ماله داعي بحول لك المبلغ وانا واثق فيك قلت له بهالطريقه مابتعامل معاك …!!!

لانه اذا وثق فيني اليوم ومعرفته فيني حديثه بكره بيوثق بشخص وبتكون الثقه مب في محلها وبيضيعنا
وبس بعدها صارت بينا اوراق رسميه واشتغلنا مع بعض

4- عدم الاعتراف بالحظ او الصدفه ترى في التجاره بالذات مافي شي اسمه حظ او صدفه في ناس يقولون ان انسان محظوظ وان انسان منحوس هالشي مايصير لان اصلا كل الناجحين نجحوا بسبب قرارات صائبه اتخذوها… وتصدقون ان في ناس يخلون النحس على النجوم والفلك ويقول في هاليوم مايسوي صفقات لان النجم الفلاني مكانه مادري وين ومابتم الصفقه @@ شهالكلام

عموما مابطول لانها خواطر تجاريه فلازم تكون قصيره مثل الخواطر 🙂

وفي خواطر تجاريه اكثر بس كل فتره بكتب اربع خواطر منهم ان شالله

وبالتوفيق ان شالله للجميع اخواني

9 thoughts on “خواطر تجاريه….”

  1. لا زود عليك اخي المبدع الذهبي
    وأردت ان أكتب وجهة نظري
    1 تخفيض الاسعار هذا الموضوع منسي 99% في كل العالم
    2- اين المكاتب العقاريه عن ادارة العقارت الدوليه هناك تجارة لا نعلم عليها شيئا بين اصحاب العقارات و الفلل الراقيه
    3- الثقه أكبر مكسب من التعامل لكن ان يكون الموثوق يستاهل الثقه فهي تاج على الرؤوس
    4- عدم الاعتراف بالحظ او الصدفه موجوده ولكن الأنسان يجلبها لنفسه او يجعل الحظ يتخلى عنه

    هلااا فيك اخوي ابن الفرات وتسلم على مرورك وتعقيك

    والاختلاف في الراي لايفسد للود قضيه 😉

    وبخصوص العقارات الدوليه مايصير ان نقول مانعلم عنها شي ليش مانبحث ونتعلم صحيح ان في مكاتب متعامله مع اصحاب بعض الفلل بس بعد في اصحاب املاك كثيره مش متعاملين مع حد واذا كلنا قلنا مانعلم في النهايه بنكتشف ان محد يتعامل معاهم والفرصه ضايعه على الكل فلازم نبحث عنها..

    بخصوص الثقه اخوي صحيح كلامك ان هي من اكبر المكاسب لكن في عالم المال والاعمال مايصير نلجا للثقه لان في حالات كثيره تكون خارج السيطره مثلا شاركت شخص وحصل ان هالشخص وتوفى او الشريك او صار حجز اوغيره بهالحاله وين بيكون اثبات الحقوق…

    الثقه شي ماعليه كلام لكن في الشغل يجب ان يكون رسمي وموثق وفي مثل قديم يقول ( احفظ مالك ولاتتهم جارك )

    بخصوص موضوع الحظ والصدفه سمح لي اخالفك الراي بالمقطع الاول وأأيدك بالمقطع الثاني لكن بقول ان النجاح موجود والانسان يقدر يجلبه لنفسه او يبعده عنه ,,,
    لكن موضوع الصدفه احسه شي غير وارد ..

    وتسلم اخوي مره ثانيه على مرورك واثرائك لموضوعي بوجهة نظرك

    وبالتوفيق ان شالله اخوي ابن الفرات

  2. أخ نايف بارك الله فيك .. خواطر من ذهب .. :habeet:

    تسلم اخوي ابو هزاع على مرورك وتشجعيك

    وبارك الله فيك اخووي وتاكد ان مرورك في مشاركتي وتعليقك عليها بيكون ذهب

    وبالتوفيق ان شالله اخوي بو هزاع

  3. كلام من ذهب الصراحه…ربي يوفقك انشالله ياخويه

    تسلمين اختي ام شيخه على كلامج الطيب ومرورج هو الذهب

    الله يوفقج ان شالله ويبارك لج بكل اللي تسوينه

    وبالتوفيق ان شالله اختي ام شيخه

  4. صح لسانك يالتاجر …….

    ومن قال سالم ياشهبندر التجار 😉

    تسلم اخوي على المكشوف على متابعتك الدايمه وكلامك الطيب

    وبالتوفيق ان شالله اخوي

Comments are closed.