السلام عليكم
مساء الورد
الأسئلة واضحة وضوح الشمس
خلافك مع العضو/ة يجعلك تتجاهل مواضيعه ..؟
وهل
تصالحك مع العضو/ة يجعلك ترد على مواضيعه ..؟
وهل
إذا كان من ” الشلة ” يخليك ترد على مواضيعه..؟
( هذا للأسف اللي أشوف كثيييير منتشر ماعرف ليش؟؟)
وأخيرا
“إن الله عليم بذات الصدور“
أختكم
متفائلة في زمن اليأس
متفائلة في زمن اليأس
خلافك مع العضو/ة يجعلك تتجاهل مواضيعه ..؟
بالنسبه لي .. ما عندي اي خلاف مع اي احد في المنتدى ..
مسألة الرد على المواضيع شخصيا اعتبرها راجعه لكل شخص و طبيعته واهتماماته .. يعني ان كان الموضوع يستاهل ويثير اهتمامي برد عليه وان كان لا يثير اهتمامي ما ارد عليه .. اثارة الاهتمام اقصد بها بشكل عام بغض النظر عن كون الموضوع جاد او للتسليه ..
في رايي الكاتب الجيد ما يلوم الآخرين ليش ما ردوا عليه .. المفروض يجذب الآخرين لقراءة ما يكتب والرد عليه .. باسلوبه وذوقه وانتقاءه للكلمات بالاضافه الى شرط مهم جدا وهو ان يكون صاحب قلم صادق بمعنى الكلمه .. طبعا هذي موهبه ما يملكها اي حد
تصالحك مع العضو/ة يجعلك ترد على مواضيعه ..؟
اذا الكاتب حاول يطور من نفسه واستطاع ان يرتقي بقلمه اكثر .. مستعد اشجعه وارد عليه واناقشه واتعلم منه
إذا كان من ” الشلة ” يخليك ترد على مواضيعه..؟
الشلل والمجموعات تقتل المنتديات .. انا شخصيا ما اشوف في منتدانا اي شلل
اذا شفنا ان بعض الأعضاء يشاركون في بعض المواضيع مع بعض فهذا اسميه توافق فكري .. انهم اشخاص يملكون نفس الاهتمام ووجدوا اهتمامهم في اسلوب كاتب معين او مادة موضوع معين فاجتمعوا فيه بكل بساطه
موضوعج جميل اختي متفائله .. تسلمين والله يعطيج العافيه
صادق بكلامك بالنسبة لي شخصيا والله ماتفرق عندي حتى لو محد رد علي
الدنيا بعدها بخير و ” الحياة حلوة
” …
ع العموم مشكور ياخوي على ردك
ونورت الموضوع
__________________
هلا أختي،
أنا ملاحظ من مده (و اليوم بالذات) أغلب الأعضاء زعلانين على بعض، مادري ليش.
ما شاء الله 3-4 مواضيع تتكلم عن نفس الشي. مادري إن كان موضوعج واحد منهم أم يشذ عن القاعده، هذا ما سنعرفه من خلال المشاركات الأخرى.
بصراحه ما رديت على أي واحد من المواضيع هذي عشان محد يزعل مني.
نرد للب الموضوع،
خلافك مع العضو/ة يجعلك تتجاهل مواضيعه ..؟
غالبا ما عندي خلافات ويا الأعضاء،
بس عشان أكون صادق وياج، إن كان هذا العضو من النوع اللي ما يستاهل، ما أعيره إهتمام. لكن إن كان خلوق و صار بيننا سوء تفاهم، يمكن أشاركه أو أقل الإيمان إني أشكره على مشاركاته بس.
تصالحك مع العضو/ة يجعلك ترد على مواضيعه ..؟
إسمحيلي أحوّر من نمط السؤال.
هل لو غيّر العضو إسلوبه و صار ملائم للأخلاق و المنطق و الأعراف بترد تشاركه ؟
الجواب، نعم.
إذا كان من ” الشلة ” يخليك ترد على مواضيعه..؟
كل واحد يحب ناس معينين يحس إنهم قريبين من طبايعه.
أنا بصراحه أحب أدخل مواضيع ربعي و أشارك فيها. بس هذا ما يعني إني ما أدخل غير هالمواضيع. جيكي على مشاركاتي و بتشوفين إني أرد على اللي أعرفه و اللي ما أعرفه. يعني ردودي تكون إنتقائيه و ليست عشوائيه، مثل ما تعرفين، جماعة “بالتوفيق” تارسين المنتدى.
عندي سؤال أخير،
ليش أغلب الأعضاء يظنون إن لو محد رد عليهم في مواضيعهم، معناتها إن الأعضاء الثانيين ضدهم أو مسوين شلل خاصه؟
المفروض الواحد يحاسب نفسه مب يتهم الآخرين.
هلا والله بمشرفتنا
وصدقيني روحي رياضية 100%
بس الأسئلة استوحيتها ( متعوووووب عليها
) وخاصة السؤال الأخير من ردود أحد الأخوان
فحبيت اشوف ردودكم..
ع العموم نورتي الموضوع
مشكوووور يالغلا..
__________________
مساء
الرد على المواضيع تعتبر بطبيعة الحال حرية شخصية
ولو رجعنا للمنطق المتبع في المنتديات تعتبر اغلب المواضيع منقوله
الا نسبة قليلة جدا من اجتهاد العضو نفسه
وبعدين اهم شي الواحد يفكر شو الفكره المهمه اللي استفادها من الموضوع
وأهم شي تابعي الجديد
وخلي روحج رياضية
http://satfrequencies.com/invest/uae306436/