دشيت المنتدى التجاري وشفت وايد مواضيع عن الشاحنات وما ادراك ما الشاحنات
ماشاء الله الشباب وايد متحمسين عالشاحنات
يا جماعة الخير ترا سالفة الشاحنات سالفة اتشيب بشعر الراس صدقوني يا جماعة والمثل يقول اسال خبير ولا تسال دكتور
انا راح اعطيكم صور من اشكال المعاناة اليومية الي ممكن تعانيها او يوم عمل افتراضي :
اول ما تاخذ السيارة ( اذا كانت مستعملة ) وتبغي تسجلها ويرفضها المرور بحجة ان فيها مشاكل ومحتاجة تصليح.
صلحت العيوب ويكلفك مبلغ وقدره 5000 درهم
السواق يتصل فيك الساعة 12 في الليل ويخبرك انه مبنشر ويباك اتييله
السواق يتصل فيك الساعة 1 الظهر زاخينه المرور بسبب انه مشى في وقت المنع او تجاوز اشارة داعم جسر متضارب ويا حد او الحمولة طاحت عالرصيف او على سيارة
السواق يتصل فيك ويصارخ فيك بسبب انه تاخر في التحميل او التنزيل ويحملك انت المسؤولية ويبا تعويض
السواق ماعيبه الشغل عندك وخلاص ما يبا
واذا خذتها قرض طبعا لازم تدفع الاقساط وراتب الموظف يعني لازم تكون شغال وعندك عقود
السيارة اختربت ووقفت في نصف الطريق وطبعا يبالك اتسير وتاخذ مهندس وتوديه لمكان السيارة ممكن يكون على بعد ساعتين او ممكن انته تكون في دبي وهو في بوظبي وطبعا انته المسؤول ولازم تصلح سيارة العطلانه والسايق مايتصرف بروحه.
المهم يا جماعة الخير الاشياء المذكورة بالاعلى اشياء روتينية من عمل الشاحنات وفي غيرها اشيا وايدة الشرح يطول
وصدقوني الشغلة مب بهالسهولة للي يبا ياخذ الموضوع على شكل هواية او يقول باخذلي شاحنة او ثنتين
والنصيحة بجمل
new comerكلام الاخ صحيح اعرف ناس كثير اشترو شاحنات وباعوها ليش لانها اخطر عمل اولا اكثر عرضه للمخاطر والمخالفات واكثر الحوادث فيها شاحنات واكثر التعطل المروري الكبير يكون ناتج شاحنه خربانه او مسويه حادث اما الدخل صح عالي ايضأ المصروف عالي جدآ وبعض المرات يتجاوز الايراد وتخيل اول تريب تنجلب اقل تصليح بين10000الي50000 درهم وتصليح المكينه من5000الي20000 الجير5000الي15000 وخذ وانت طالع واذا اعطيتها شركه وكان شاطر بيقوللك انا اجرها وكل شى علي ثم يشغلها شفتين ومايرحمها وبعدين تاخذها وتحصل شاصي مشروخ او عوي وذيك الساعه راحت الفايده ودخلت الخساره اعرف ناس يبكون كان عنده راس مال واخذ سيارات وبعدين حصلته وقال كنت مرتاح والان انا اصبحت مشيب من السيارات وقل يامن شراله من حلاله عله ولاكن اقول اذا انت بتسير الكراجات بنفسك وبتعابل البتان وتابع شغلك بتشتري القطع بتصلح وبتحرص علي الشغل الخفيف اقول بتنجح ولاكن مش بسهوله لا تفكر بيك الربح بطبق من ذهب واعرف اولا التوفيق بيدالله وثانبا اذا الله وفقك بسواق لان السواق عمود السياره السواق اذا الله وفقك بسواق اعرف انه 70%من المشاكل انحلت واذ دخلت معاك في الربح بايجتهد اكثر ولاكن مافي شغل سهل اذا كان حلال يجب ان تتعب حتي تحس بقيمت الفلوس واما انا انصح الاخوان ان لا يدخلو البنوك عشان يشترو سيارات لانه مافي فايده وخاصه البنوك الربويه اعرف ناس تكنسلت السياره ويقول الي حد الان وهو يدفع الفوايد وماخلصت وقول في الاخير التوفيق بيد الله