السلام عليكم
شحالكم يالربع عساكم بخير
يا أخوان عندي مشكله وحاله مستعصيه
أبا أنطق جمله بالانجليزي صح ومب عارف كيف
حد يعرف أو سامع عن مكان يعلمون فيه الأنلجيزي فالعين
فيدونا
فيدونا بارك الله فيكم
حد منهم يقولون معاهد مادريبهن إذا منهن فايده
قلت بتخبركم .. هل وعسى أني القى حل ؟
فـاء
حياك الله ياخوي
للأسف ما عندهم فرع فالعين بس بوظبي ودبي
ومشكوور وماقصرت
بوجاسم 6441
حياك الله ياخوي
والله تبا الصدق وايدين يقولون مثل ما قلت ان المعاهد ما تفيد
ان شاءالله بنحاول من القصص
ومشكوور وما قصرت
ملون المعاني
حياك الله ياخوي
والله معلومه يديده وان شاءالله بنتقيدبها
ومثل ماقال اخوي مضارب مغامر شو بخصوص التخاطب؟
ولكم جزيل الشكر
ونتريا اذا شي اقتراحات غير
أحييك على مجهودك واصرارك …
لكن شو بخصوص التخاطب؟
أنا كنت شرراتك .. تعبان في اللغه الأنجليزيه ..
شو سويت ؟!!
قمت اشتري جرايد أنجليزيه و اقراها اول اسبوع ولا فاهم شي .. ثاني اسبوع بديت استوعب 20%
اللي بعده 40 %
الشهر الثاني 80%
الحين ما ارتاح في قراءة الجرايد الا يوم تكون باللغه الأنجليزيه ..
بس انا كنت مجتهد .. أقرأ و الأطلس بيدي ترجم على طول و اكتب ..^^
انا عن نفسي ما انصح فالمعاهد او مدارس اللغه لان هدفهم مادي ..يعلمونا كيف نحل امتحانات التوفل والايلست بس …
اللي يبا يتعلم انجليزي المفروض يسمع الاخبار باللغه الانجليزيه ويحاول يركز او يفهم او يقرى كتب او قصص انجليزيه ويترجم بنفسه . المفروض يعتمد على نفسه ويدرس ب……وبعد ما يجمع كلمات وجمل صحيحه يبدا يوظف هالجمل عشان ما ينساها ويحاول يمارس.. بانه يتعرف على اي شخص يتكلم انجليزي حتى لو كان هندي والهنود ما شاء الله فكل مكان ..
انا عن نفسي درست فاكثر من معهد وسافرت ودرست برع لكن ما استفدت كثر ما استفدت من مخالطه الناس الي يتكلمون انجليزي
بالنسبه للمعاهد يعلمون كيف الواحد يحل امتحان الايلست او التوفل وهالامتحانين في نظري ما تقيم الشخص اذا يعرف انجليزي او لا..
اخوي في معهد اسمه نيو هورايزن متخصصين في تعليم الانجليزية وشهاداتهم معتمدة
اعتقد ان عندهم فروع في مختلف امارات الدولة ، تقدر تتصل بهم وتتأكد
بالتوفيق ان شاء الله