اخواني السلام عليكم ورحمة الله وبركاته……
بغيت اطرح موضوع يستفيد منه الجميع بمشاركاتكم وخبراتكم
فالرجاء المشاركة والإدلاء بأرائكم
الخادمات شر لا بد منه وظروف الحياة تجبر الاكثرية منا الى الاستعانة بهم
لذلك اود ان اطرح بعض التسألات
1-ما هي افضل الجنسيات ؟
2- من تفضل التي سبق لها العمل في دول الخليج (وأين) أم التي لم يسبق لها العمل؟
3-ما هي مشاكل الخادمات؟
4-كيفية التعامل مع الخادمات؟
5-هل لكم تجارب مع الخادمات ؟
وشكرا……
مثل ما ذكرت ظروف الحياة تجبر الاكثرية منا الى الاستعانة بهم
احنا ما عندنا في البيت خادمة…الوالدة اتقول ليش انيب خدامه و انتو شو اتسون ( قصده علينا انا و اختي) هههههه
انا افضل الخادمات المسلمات مهما كانت جنسيتها
و هناك مشاكل كثير للخادمات منها : في بعض الخادمات تضارب مع الخادمات الجيران
الاولاد يتعلمون منهم عاداتهم و لغتهم اذا كانت غير مسلمه
و لكن المشكله الام تكون غائبه عن البيت صباحا في العمل و مساءا عند صديقاتها او تذهب الى مراكز لتسوق و الاب كذالك
فالاولاد يتعلقون بالخادمه و مثل ما تقول الخدامه هي يلي تكون بديله لام
الام لازم اتوفق بين شغلها و بيتها
و لازم اهل البيت يعاملون الخادمة مهما كانت جنسيتها او عقديتها مسلمة او غير مسلمه بكل احترام و مودة و يعتبرونها وحدة من افراد البيت
لانها انسانة اتغربت و ابتعدت عن اهلها و وطنها بسبب ظروف الحياه الصعبة
في بعض الناس يضربون الخادمات و يعاملونهم كأنهم عبيد لديهم
و مشكوره اختي على طرح هذا الموضوع
مع تحياتي
اختك عليــــــــــــاء القمر
نحن عندنا سيلانيه واندونسيه …
الصراحه السيلانيه نفس ما قال اخوي dxb
طبخهاا فنااان .. ماشاءالله عليها وامي ما تستغني عنها .. بس جنيه .. ما تسمع .. مادري شو اييهاا .. اتم اذقرها ساعه ما ترد .. واحيانا اتي بروحها تقولي شو ؟ اقولها حشى يوم اذقرج ما تردين ويوم مابى منج شي اتين تسأليني شو ؟
المهم الاندونسيه زينه .. وعاقله … وتشتغل عدل .. بس اكتشفت فيها ان ما عندها صبر .. يعني زين ما عدنا يهال فالبيت ولا ذبحتهم .. انا اكتشفت انها مب صبوره ..من القطو الي عندي .. بدون ما تشوني .. كانت يالسه تبى اطلعه الحوش .. تميت اراقبها … حاولت وياه بالزين .. ما سوالها سالفه .. ولا اشوي اشوف شي طاير فالهوا .. يوم طاح عرفت ان القطو .. هذبتها اشوي ..
الخلاصه .. السيلانيه حف طبخ وعيال .. بتكون اوكي وياهم .. الندونسيه .. حق تنظيف البيت تسويلك شغل اوكي ..
الاندنوسيات مشاكل
مب كلهن الاغلبيه
الأثيوبيات ماقد سمعت عنهن شئ شين
أفضل الخدامات اللى اشتغلن قبل في السعوديه
الخدامه اللى مو مشتغله من قبل تعبك ،، لين تتعلم ــ لنهم هناك لا يعرفون غساله ولا شئ من هالسوالف
بيصدع راسي وانا اعلمهن
مع انه احسن انك تعلمها بنفسك هذا للى بيصبر ،، اللى ماعنده صبر ييب وحده عندها خبره
مشاكل الخدم اخويه ماتخلص من تلفونات لين لقاءات ويا الحبايب لين السحر و و و ……
ان اللي كانت عندي مدمنة فكس كل اسبوع لازم اخذ لها قوطي
كان عدنا سيلانيه وهنديه والحين أندونسية
السيلانيه وايد إجتماعيه مرابعه كل بشاكير الفريج وكل يوم تظهر
وقالت بتسير بلادها وبترد ولاردت وعطينها فلوس عشان تيب شيء من بلادها ولا ردت
بس طباخها أوكي وتشتغل زين بس لسانها طويل ماخلت حد مضاربت وياه في الفريج
الهنديه يوم كنت أرد من المدرسة تشرد من الصاله لانها كانت ترمس في التلفون بدون إستئذان ووايد
يتصلون لها على تلفون بيتنا ويوم قالت بسافر دخلت واحد غريب غرفتها أونه عشان يساعدها في
جل الجنط ويوم تأخر عصبت وقتلها شو يسوي هالكثر قالت وايد سامان !!!!
وقالت بتسير بلادها وبترد ويبنا شغاله مؤقته وردت البلاد بس ماردت دبي سارت بوظبي وزخوها
وإتصلت عشان نسامحها عشان تشتغل عدنا يبنا غيرها وسفرنها حتى الاكل ماتسويه عدل
مره شافوها في المطبخ تخبز على كاشي المطبخ تسولنا ريوق شوفوا النظافة كيف !!!
ومره يابت أكل مب مستوي عدل
الأندونسية أوكي ماتسوي مشاكل وكل شيء إوكي لانهم مدينين
بس مشكلتها مدمنة بندول كل إسبوع تبا بندول