حملة كفاية ضد وكالات السيارات من منتدى الإمارات

1٬573 thoughts on “حملة كفاية ضد وكالات السيارات من منتدى الإمارات”

1. السلام عليكم ورحمه الله وبركاته ..

   الصراحه الموضوع يصيح واللي صار ما ينسكت له ,, اخواني قاطعوا مجموعة شركات الفطيم بشتى انوانعها .. اليوم نسمع خبر يبكي الحجر ,, موااطنين يتفنشون من وضايف والسبه الازمه العالميه وعددهم تقريبا 40 مواطن مابقول 40 شخص لانهم فعلا مواااطنين ومن ابناء هاذا البلد الغالي ,, نحن قلنا التفنيشات بتقتصر على الجنسيات الثانيه ,, ايونك هاذيل يفنشون المواطنين بدال ما يفنشون عمارهم !!!!!

   وين الفطيم عن هالخبر وما تحرك ساكن وين عياله ؟؟
   وين اللي كان يقول لا تقطعونه هو ولد البلاد ويستاهل ؟؟

   ولد البلاد يتفنش من شركته تقريبا 40 موووواطن ؟؟

   بتقولون هو ما يخصه اللي تحته هم اللي يلعبون ؟؟ انا بقول هو يخصه ويخصه ويخصه .. لازم يكون مسؤول عن الاشياء اللي تنصدر من شركته .. عيل 40 مواااطن يتفنش بدون سبب والسبب هو ان الازمه العالميه اثرت عليهم !!

   دامكم يالفطيم متأثرين بالازمه العالميه ليش عيل للحين اسعاركم ما نزلت عسبت اتغطون هالخسيار ؟؟

   وين كلام مداء المبيعات للاعلام يوم انهم يقولون نحن مش متأثرين بالازمه ؟؟

   والحين يوووم يقولون ازمه يفنشون عيال البلاد ؟؟

   ولد البلاد هو اللي مسوين الازمه !!!

   ولد البلاد يوم يتفنش وين يروووح ؟؟

   خبروني وين يروح ؟؟

   الوافد لا تفنش يروح بلاده ولد البلاد وين يروح ؟؟

   يا شباب نحن واااايد سكتنا لكن يوم ايونكم الوافدين يفنشون المواطنين ولد البلاد ويثبتون عمارهم ,, الغلط من التجار اللي عطوهم الخيط والمخيط ..

   ابا اعرف شو ذنب هالمساااكين ؟؟

   انا بس بقول شي واااحد يالقطاع الخاص !!!

   انت يوم اتشغل المواطني اتشغلهم واتحطهم فاقل الوظايف وما تعطونهم شي فيدهم اتخافون على مناصبكم ويوم اتي تستوي ازمه اتفنشون اللي رواتبهم ما تساوي جزء من رواتكبك ..

   لكن حسبي الله ونعم الوكيل فيكم وانشالله من عقب هاللي استوى تنفتح عيون شيوخنا عليكم ويصلبونكم عسبت اتعرفون قدر المواطن وقدر البلاد اللي تاخذون وتاكلون من خيرها وغير هاذا الشركه شغاله عارض الدوله يعني كل فلوسهم من خير هل البلد ..

   .. يدا بيد يا اخوان لمقاطعه هاذي الشركه اللي الصراحه عمري ما شفتها اتساعد حد يا غير انهم مواطنين والحين فنشوهم بعد ..

   الله يصبرنا وعقبال ما تشوفونا مهاجرين الهند ولا بلاد الشام ولا افريقيا نشتغل كوليه اهناك ..

   وهم يصيرون مدرا فبلادنا

   صدقت في كلامك اخوية والله ….ولكن اخوية قبل لا نحاسب الوافدين انت قلتها بلسانك خلنا نحاسب المواطنين الي هو مدير الشركة وصاحب الشركة وما يقول شي ساكت ويقولك الي تحته والله هيب هو الي تحتك ولا انت الي تحته ما فهمنالكم ؟؟؟؟

   لكن ما نقول غير حسبنا الله ونعم الوكيل فيهم كلهم

2. معاكم ياخواني ومابشتري لين اخر السنة واذا ما نزلوا بتريا وبشوف ..

   فانتضار نزول سعر الاستيشن لكزس سوا من البهوان ولا الفطيم والاكيد انشالله من بهوان لان سعره دايما احسن ويمدحون السيرفس ماله ..

3. بصراحة اليوم شفت اعلان في شارع الشيخ زايد في دبي انه من تاريخ 26 – 27 – 28

   الطاير مسوي تنزيلات بس ما ادري على السيارات الجديدة او المستعملة

   عموما يوم انها ضدي خلها تصدي وموديلها يعدي
   بالتوفيق اخواني

4. خلوها تصدي

5. خلوها تصدي ..

   

   ان شاء الله كل الوكالات تتعفن سياراتها وتتصدى

   ونحن معاكم صامدين وأكيد السيارات راح تنزل إلين شهر أربعه

Comments are closed.