حملة كفاية ضد وكالات السيارات من منتدى الإمارات

1٬573 thoughts on “حملة كفاية ضد وكالات السيارات من منتدى الإمارات”

1. يا جماعه كونو يد وحده لين ما نكسر أخشوم الوكالات
   وخلوهااااااااااااا تصدي

2. فووووووووووووووووووووووووووق

3. السلام عليكم ورحمة الله
   اخواني اشحالكم
   حبيت انوه عشغله معينة وهي كثرة الاشاعات وتداولها بين الناس لدرجة انها وصلت وصلت كمزاد للي يزيد في العدد ويضاعف العدد الله سبحانه وتعالى اعطانا العقل لنستخدمه ونفكر فيه لاان نهمشه فمثلا بان يقوم اخ ويقول وصل عدد السيارات المتروكه في دبي الى 3000 سيارة من وين ياب هالمعلومه اعتقد انه مامر جنب مطار دبي لان اذا بنفكر بالعقل في هالعدد معنى هالكلام ان السيارات متروكه في الشارع وشارع المطار مغلق لان القدرة الاستيعابية لمواقف المطار بدبي ماتزيد عن 2000 سيلرة فالالف سيارة زيادة وين تركوها اصحابها اكيد في الشارع ولو تركوا 10 سيارات في الشارع لصارت زحمة وربكه في الشارع انا من دبي وسمعت الاشاعه مثلكم الساعه 4 العصر وكان العدد 400 ونفس اليوم الساعه 10 بالليل وصل العدد1600 سيارة واليوم وصل 3000 ويمكن آخر الشهر يوصل الى 10000 اذا بنفتح آذاننا للاشاعات ما بنخلص نعم في تفنيش وفي ناس سافرت بس مب الارقام اللي الناس تتداولها انا لي صديق عزيز يشتغل بوظيفة مدير بالطيران المدني سألته امس لان كانت في اشاعه ان المطار بيبيعون السيارات المحجوزه اللي تركها اصحابها فقلت ممكن احصل موتر ازكرت بسعر رخيص فقالي مافي من هالكلام والاعداد بسيطة وان السيارات اللي ممكن تدخل مزاد خلال شهرين هي السيارات اللي مضى عليها اكثر من 6 شهور واقفه يعني من شهر 6 الفائت يعني قبل الازمة الماليه واغلبهم كورولا وتحت وسكاريب وشي من هالسيارات تحولوا لشبك شرطة دبي شوفوا صورهم في الامارات اليوم واللي عنده شك في كلامي يتصل بنفسه بدائرة الطيران المدني ويتأكد بنفسه حبيت اني انوه للاخوان واحذرهم من تناقل الاشاعات لان في النهايه هذي بلدنا ومانرضى اي شي يخدش سمعتها من الغويفات الى الفجيره وهاي دبي دار الحي محد يرضى فيها ولا اذا طاح الجمل كثرت سكاكينه
   وسامحوني على الاطاله

   اخويه كلامك صحيح والناس اوقات تزيد الاشاعات شويه …لكن
   بالنسبه لموضوع السيارات الي في مطار دبي صدقني اكثر من الي تتصوره انت ومثل ما انت عندك اصحاب يداومون في المطار انا عندي نص الاهل والربع يداومون في المطار بعد ومستحيل من يوم ما بدت الازمة والتفنيشات بس 1600 سيارة يمكن هذا باليوم الواحد بس 1600 سياره خخخخخخخخخ
   للعلم العدد يتجاوز هالشي بوايد صدقني
   وقبل يومين امر الشيخ محمد بن راشد الله يحفظه امر شرطة دبي لبيع السيارات الي كانت في مطار دبي والعدد كان 2600 سياره اخويه والازمة تزيد والتفنيشات تزيد يعني القادم اعظم وهالشي ما ينزل من مستوى الامارا ت ولى دبي مب كل شي نقول عنه فضيحه للبلد ولعيالها هذا بعد شو خصه ؟؟؟ ناس تفنشت وردت بلادها عادي مافيها اي سمعه سيئه للامارات عيل شو نقول عن الي اييبونهم على قناة الجزيرة عن الامريكان والشركات العظمى الي فلست ؟؟؟؟ فضيحة لأمريكا ؟؟ شي عادي يا خويه لا تاخذه بحساسيه لين هالدرجه…ومافي شي طاح في الامارات علشان تكثر سكاكينه

4. فوووووووووووووووووووووووووووووووووووووووووووق

5. كفو والله
   و ان شاء الله المستقبل القريب يبشر بخير

Comments are closed.