حقوق المستثمر من دول مجلس التعاون في الامارات
انا أختكم بنت الكويت حابة ان استثمر في الامارات واشتري ارض فى راس الخيمة ولاكني خائفة ان لااجد قانون يحميني بعد ذلك من النصابين او الظلمة الذين لايحللون او يحرمون كما سمعت ان كثير من الكويتين انظلموا واخذت منهم اراضيهم وعقاراتهم بدون وجه حق او تعويض فماذا اعمل ؟ وهل هناك نص قانون في الامارات يحقق العدالة ويحفظ الحقوق للاجانب او مواطنين دول مجلس التعاون ؟ أفيدوني جزاكم الله خير 0
حقوق المستثمر موجودة
وتملك الحر موجود
اهم شي السيوله (( كااااش )) والأبواب تفتح لج
أي خطوه قبل لاتسوينها روحي وسألي عن نص الحقوق في الدائرة المختصة
وكل أوراقج وثقيهم من الدوائر المختصة ومحد يقدر ينصب عنج شي
مثاااااااااال
حتى المستأجر يوم يأجر يروح يصدق عقد الأيجار (( طبعاً يأخذون نسبة من تصديق العقد )) لاكن حتى المؤجر مايقدر يرفع الأيجار أو يجبرك من الخروووج خلال الفتره العقد المصدق
تمنياتي لج بالتوفيييييج
والله ياخوي المواطنين انفسهم مب شرات بعض
في منهم الزين وفي منهم الشين
في بعضهم ما يرضون ياكلون مال حرام وفي بعضهم ذمتهم واسعه على كيف كيفك
سالفة انها تحصل شخص ثقه مب صعب بس يبالها تبحث شوي
اعتقد التعاون مع مكتب معروف وتوثيق كل الامور عند محامي محترم وتصدق الاوراق بالسفارة الكويتية وبالخارجية الاماراتية حتى تضمن كل شي وتكون مطمئنة
اذا قدرتي تحصلين مكاتب ثقه اول شي لا تقولين لهم بأنج كويتية
ثاني شي اذا حصلتي ارض معينه لا تقولين انج تبغينها بس حفظي المعلومات
ثالث شي اتصلي بمكتب ثاني وقولي له ان عندج ارض بالمنطقة الفلانية وتبغين تعرفين سعرها بالسوق وكم تسوى وراح يعطيج سعر طايح شوي حتى يرفع السعر وياخذ عمولته
تسوين حسبة بسيطه ما بين السعرين اللي حصلتيهم من مكتبين وبهالطريقه بتعرفين السعر الحقيقي للأرض بس انصحج مهما يوج ناس ولسانهم طيب لا تثقين بأي انسان واذا تبغين شوري اختي اشتري بالكويت ببلادج ابرك لج لأن الارض بتكون تحت عينج وتقدرين تبيعيها بأي وقت بدون سفر ولا بطيخ
^_^
هذيلا الناس الي انسرقوا اكيد طاحوا في ايد العصابات العقاريه الي قبل
لان احيد كل حد قم يشتغل في العقارات حتى مال الدكاكين
وكان في كذا فئه من دول عربيه وافريقية واسويه يسوون هذى الامور ويسرقون الواحد سرق بدون اي رحمه ويورطونه ويسرقون فلوسه
وبصراحه كنت اتعجب لما اجد واحد منهم تلاقيه تلفونه على طول يرن ومايرد على المكالمات لانه صار يكذب بدون رحمه همه فلوس بس اذا تريد اتجربه قوله كل ماتخلص شغلي بعطيك بهانس يعني خرده في مخباك تلاقيه لازق لك وبيكذب اكثر بعد لانه ماعنده شي وبيقولك انه يمتلك عمارات جد جد ابوي وهو ماعنده غير وساطه ويترجي هني وهناك حتى يحصل شي يتصرف فيه
والمسئله بعد يوم اتي تشتري تلاقي الارض قيمتها مثال 20 الف
تصير 45 الف لان هناك في الموضوع عشرين وسيط على ارض وحده ويطلع سعر الارض دبل فوق قيمه الارض ويالله بيع والناس تاخذ مال حرام ومايراعون ان هناك موت وحساب واخره
الله المستعان
ان شاء الله تحصلين مرادج
انا عندي موافقه في راس الخيمه على ارض من المجلس البلدي بس ماطلعت الارض وتقريبا من عشر سنوات لانهم قالولي ادفع مال شيول وادفع مادري شو رسوم سوالف وبعدها استوت الهزبه يوم المرحوم زعل وقتها وقال كيف المواطن يدفعونه لتملك ارض وهي ارضه
الله يرحمك يا ابوي زايد
عموما يا اختى هناك من المكاتب الثقه واتمنى تكونين تتعاملين مع مكاتب عقاريه يمتلكها مواطن وهو يكون يدير المكتب لان المواطنين دائما يخافون الكلام على نفسهم ومايرضون ياخذون مال حد الا الي ذمته مفتوحه الله اعلم
والسلام عليكم ورحمة الله
فاهم شو تقصدين اختي
^_^
الوضع تغير حاليا
تقدرين تشترين اللي تبينه بس اهم شي تكون عندج اوراق الملكية
بس يبالج تثقين بأحد بالامارات حتى يخلص كل اوراقج وما يقصون عليج بالاسعار وفي نفس الوقت ما ينصب عليج بعد شرائج للأرض
والله يوفقج
مرحبابج اختي العزيزه
ولكن منو قال ان حقوق الخليجين او الكويتين بالاخص سلبت؟
المستثمر في الامارات يحق له ان يتملك تملك حر في جميع الامارات عدا ابوظبي ( ولكن قريب سيتم فتح الباب لهم )
ولكن ان شاء الله اهل الشان ينصحونج وحبذا ان تسالي الاخوان في قسم العقارات
شكرآ وحياج اختي في الامارات بين اهلج وربعج
الله يحفظج