حـــــــــد فيكم ذاق طـــــــعـــــــم الظلم؟؟ أنا أمس حسيت بالظلم …أنا مكــسورة…

69 thoughts on “حـــــــــد فيكم ذاق طـــــــعـــــــم الظلم؟؟ أنا أمس حسيت بالظلم …أنا مكــسورة…”

1. غريبة يا أم غلا..

   كيف تسلمينها ملايين بدون عقد تسليم وإستلامـ..

   والغريبة الثانية أنج من فترة جريبة مصرحة بعد راحت عنج 3 ملايين في محفظة المستثمرون المتحدون..

   :
   :
   والله يفرج كربتج..

   والله المستعان،،،

   مشكورة ع مرورج حبيبتي..و الثلاث ملايين اللي رمست عنها هي هاي اللي اقولج سالفتها الحين..و انا ما صرحت اني بمحفظة المستثمرون الغاليه..ردي للموضوع و اقري زين انا شو كاتبه..انا قلت اني بعد خسرانه و احمد ربي اذا ردت لي 500 الف..

   الحرمة قبل كانت تماطل و تقول انها خسرت البيزات بالتجارة..و بعد فترة قالت مالكم شي عندي..هذا الكلام كان للنيابه ما كان بويهي شخصيا..بس امس كانت المواجهة و سمعت الكلام بإذني ..قالت لي بويهي مالج شي عندي..انا هاذيج الحزه جنه حد صب عليي ماي بارد..معقوله تنكر البيزات و تقولها بويهي..

2. أشكر كل الاخوان اللي زاروا موضوعي و دعولي…الله ع الظالم و انا ناويه بإذن الله أدعي عليها دعاء القنوت لمدة شهر..و اتمنى رب العالمين يراويني فيها عجايب قدرته..انا نفسيتي مول مب متحملة..و اتمنى رب العالمين ياخذ حقي منها…

   الله يعينج الصراحه موضوع الظلم مب هين الصراحه وخصوصا لو الواحد تورط بمبلغ مالي اختي انصحج تحطيين محامي شاطر احتمال انشاء الله يلقالج حل ويفك اسررج الله يوفقج ياربي ويعينج علييج بالمحامي عبد الحميد الكميتي شاطر ماشاء الله عليه من محاكم عيمان هووو وبالتوفييج ….

   اخويه لازم ادفع رسوم المحكمة 30 الف علشان ارفع قضية مدنيه..و انا ما عندي شي اغامر به خصوصا انه هالانسانه بايعه ذمتها و تحلف انها ما خذت مني شي..و فوق هذا حاولت قبل ادخل محامي بس مبالغهم خيالية..و حقي انا ما اضمن انه يرجع علشان اوكل محامي..اخاف اتوهق عقب..

3. حسبي الله و نعم الوكــيل فيها

   الله يعينج اختي و ان شاءالله حقج مابيضيع ..

4. السلام عليكم ورحمة الله وبركاته
   قال تعالى في محكم تنزيله بسم الله الرحمن الرحيم (ولنبلونكم بشئ من الخوف والجوع ونقص من الاموال والانفس والثمرات وبشر الصابرين # الذين اذا اصابتهم مصيبة قالوا انا لله وانا اليه راجعون #اولئك عليهم صلوات من ربهم ورحمه واولئك هم المهتدون)سورة البقره
   بارك الله فيج ياأختي عليج بقيام الليل وسورة البقرة وباذن الله ستفرج.
   واسئلي مجرب مرت علي ظروف مايعلمها الا الله وفرجت باذنه , من قيام وقراءة سورة البقره
   موفقه بإذن الله … ولكي مني أجمل تحية .

5. غريبة يا أم غلا..

   كيف تسلمينها ملايين بدون عقد تسليم وإستلامـ..

   والغريبة الثانية أنج من فترة جريبة مصرحة بعد راحت عنج 3 ملايين في محفظة المستثمرون المتحدون..

   ياالله الحمدلله..انا خسرانه 3 ملايين بس و الله العظيم حتى لو عطوني منها خمسية الف احمد ربي و اشكره..و حتى لو ما حصلت شي ما اقول غير الحمدلله و كل شي قضاء و قدر..

   :
   :
   والله يفرج كربتج..

   والله المستعان،،،

Comments are closed.