السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
بإذن الله الظالم يذوق عقوبته في الدنيا قبل الآخرة
وانا صارتلي مثل سالفتج وبعد شهر طاح بالمستشفى فيه فشل كلوي ابشري ان شاء الله عقاب الظالم معجل
الله يكون في عونج
تأكدي أن حقج ما بيضيع عند الله اللي عينه ما تنام
لا حول و لا قوة الا بالله
مظلومة في الدنيا = حقج في الآخرة
و احذر من المظلوم سهمًا صائباً و اعلم أن دعاءه لا يحجب
الدعاء الدعاء أختي و ان شاء الله حقوقج ترجع
الله ييسر ..
الله يعينج الصراحه موضوع الظلم مب هين الصراحه وخصوصا لو الواحد تورط بمبلغ مالي اختي انصحج تحطيين محامي شاطر احتمال انشاء الله يلقالج حل ويفك اسررج الله يوفقج ياربي ويعينج علييج بالمحامي عبد الحميد الكميتي شاطر ماشاء الله عليه من محاكم عيمان هووو وبالتوفييج ….
وعليكم السلام ورحمة من الله وبركاته ..
الله يعينج أختي .. وإن شاء الله بيظهر الحق ..
ادعي الله في صلاتج وسجودج أنه ييسر لج أمورج .. وأكثري من الاستغفار ..
وإن شاء الله بيظهر الحق وبترجع لج فلوسج وبينصفج حكم القضاء ..