السلام عليكم ورحمة الله وبركاته
اليوم كنت أسولف ويا واحد من الربع يشتغل في وكالة بهوان عن الإستيشن 2011 وحصلت العلوم التالية :
- راح ينزل نوعين من الـ vxr >> ليمتد + عادي :
مواصفات الليمتد كالتالي :
- محرك 5.7
- تخطيط جديد
- شدات كروم
- سطابات خلفية جديدة
- شاشتين مثل اللكزس
- احتمال تكون الرنجات اكبر
- الجلد من داخل نفس اللكزس + تهوية ودفاية
- رادار
- الدبه تفتح وتسكر تماتيك.
بخصوص مواصفات العادي :
- محرك 4.7
- تخطيط جديد
- شدات كروم
- اضافة برواز كروم على السطابات الخلفية.
وطبعاً باقي المواصفات مثل الموجودة حالياً في 2010
الليمتد بينزل بأعداد محدودة يمكن 200 الى 300 سيارة في الدفعة الأولى على حسب كلام الريال وبيكون بطريقة الحجز
اعتقد اذا عندك معارف فالوكالة ممكن يحجزلك واحد من الحين. ( من سبق لبق )
- الأسعار :
الليمتد بيكون سعره حوالي 300 الف درهم ويمكن يزيد شوي
العادي بيكون سعره مابين 270 الى 280 الف درهم
وأبشركم الموتر بينزل خلال الـ 15 يوم الياية .. واحتمال يكون في عرض قوي على موديلات 2010 في شهر رمضان لأن الطلب راح يكون على 2011.
والسموحة على القصور
اخوكم
بوهزاع
كل الشكر لك اخوي
ما بغوا ينزلونه الا بعد ما نزل النيسان بالمكينة الجديدة
.
اوافقكم الراي بصراحة السعر مبالغ فيه نوعاً ما
بس لا تنسى هالسعر هو تقريبي ومب 100% اكيد
يعني يمكن ينزل او يطلع 5 الى 10 الاف
وكالعادة ينزل السعر مع مرور الأيام بالنسبة للعادي بس الليمتد ماعتقد!
هههه اكثر ما ضحكني ان سعر الليمتد قريب من سعر ستيشن لكزس … وهم تقريبا نفس الشركه
يعني يا اغبياء شو استفدتو ؟؟؟
نفس سالفه موديل 2010
نزلوه فرمضان .. وهو توقيت حلو عشان الي ياخذ يكشخ فيه للعيد هههه
على العموم .. السعر مبالغ فيه واااااايد
شـكــ وبارك الله فيك ـــرا لك … لك مني أجمل تحية .