الاخوه الاحبه , تم اغلاق الموضوع بسبب عدد المشاهدات والتى فاقت 50000 , وهى من قوانين المنتدى , وعلينا الالتزام والاحترام , وليس لسبب آخر ,ههههههه ,,, تحياتى .

وهذا الرابط للموضوع السابق :

501 thoughts on “حركة المؤشر لشهر 6 – 2009 (الجزء الثانى)”

  1. جزاء الله خير يا ابو الوليد
    ممكن تحليل الخليجية لاستثمارات العامة ما هي نقاط الدعم و المقاومة

  2. اخوي النجم الواثق يهمني رايك جدا في ارامكس اولاا وش مسار السهم

    الشي الثاني اللي نام ومادخل السوق الخميس تنصحه يدش اللاحد وايش الااسهم اللي مناسبه للدخول فيها العربيه رايك زين فيه

    اخى الفاضل , سهم ارمكس من الاسهم التى لم تاخذ حقها فى هذا الصعود وهو متجه اولا الى 1.31 1.35 باذن الله ,,,, تحياتى . اجازه سعيده

  3. اخوي النجم الواثق يهمني رايك جدا في ارامكس اولاا وش مسار السهم

    الشي الثاني اللي نام ومادخل السوق الخميس تنصحه يدش اللاحد وايش الااسهم اللي مناسبه للدخول فيها العربيه رايك زين فيه

  4. انا الي مضايقني ف الموضوع التاخير الي صار من عندهم في البداية والموظفه الي ف شركة الوساطه يوم قعدت ع مخي وقالت لي قطاع التامين مرتفع وشكله بيعطي لمت اب (( امان )) وانا ماادري كيف لعب بعقلي الشيطان وطاوعتها مع انه مب من عوايدي اشتري السهم اذا طلع فوق حتى لو 2% مستحيل اشتريه اذا بشتريه بسعر الافتتاح او من تحت ولا مابدخل السوق اساسا اما هالمره اول مره اسويها واشتريه وهو طالع 9% او اكثر بعد والموشر في هالوقت نازل واصلا امان انا ف حياتي ماصديت صوبه ولا درسته… الله كريم بس مااقول غير عوضي على الله ان شا الله …

    في بالي الحين ادخل امان مره ثانيه بس على 1.40 لانه احساسي يقول انه بيعيد الكره بس بشوف شور اخوي نجم …

    ابا اعرف وقت بيع سهم سيييييييييييييكل ؟
    وقت شراء وبيع سهم امان ؟

    لانه يوم الاحد باذن الله معركه ضرووووس بيكون فيها دم للركب وذبايح ولازم الواحد يقنص ع الملي صح..

    ودمتم سالمين

  5. بسم الله الرحمن الرحيم

    اسمحوا لي اعرفكم بنفسي انا ضيف دايم عندكم في المنتدى ومتابع باستمرار من اكثر من سنه

    بس حاليا دخلت معاكم كعضووو …

    اشكر اخوي النجم الواثق والله يجزيه كل خير على وصاياه ونصايحها الي فيها الخير قدر الامكان لكل الناس..

    اخوي النجم انا اليوم بعت ديار على 90 شرا ماصيتني

    وييت باخذ ارامكس على 1.20 ولكن للاسف صار في عطل عند شركة الوساطه وتاخير لانه الملبغ شكله ضاع ف النص بين احسابي الجاري والتوفير مب عارفين وين راح .. لاني طلبت منهم سابقا انه يغيرون لي الحساب للتوفير عشان اخصصه للمضاربه بس ..

    ولكن كان اليوم يوم نحيس بالنسبه لي انا بالذات وعقب اتصلت فيني وحده من شركات الوساطه الله يستر عليها وقالت لي الموشر ينزل بس قطاع التامين يزيد شو رايك تدخل في امان وكان امان في ذاك الوقت 1.56 اوريدي يعني 8% تقريبا طالع قلت لها يابنت الحلال تراه هو اوريدي فوق الموشر تحت يعني في مخاطره قالت يقولون بيصك لمت اب … جان اقول هوبل مالي عليه عليه وخذته على 1.56 ومن خذته نزل ل 1.46 وقلبي ماطاوعني اشوف فلوسي تطير جان ابيع كل الي عندي وخسرت من هالصفقه بس اليوم 40.000 الف درهم … ويتني حاله هستيريه لانه السوق اوريدي مرتفع وانا الوحيد الي خسرت اليوم جان اشرتي سكيل على 93 فلس شو الراي ياخوي النجم انا ريال منصاب انصحني بنصيحه حلوه اعوض على الاقل خسارتي الشنيعه اليوم … حسبي الله ونعم الوكيل

    الله يعوض عليك اخي الفاضل

    لا يضيق صدرك الفلوس تروح وترجع ، ومش انته الوحيد اللي خسران، اذا كل حد ربحان اليوم فالسوق يعني فرق زيادة المبالغ التي في حساب الرابحين من وين ؟؟؟؟؟ من الشركة أو من السوق المالي طبعاً لا !!!!!

    فلوس الخاسرين تروح لحسابات الرابحين ….. طبيعي والعكس صحيح

    باختصار وأنا مش خبير ولا محترف بس من أربع سنوات فالسوق المالي

    اذا حد سألني ما هي البورصة؟؟

    الجواب بكل بساطة،

    البورصة هي طاولة البوكر (السوق المالي)

    يوجد تسعة لاعبين على الطاولة و معاهم الموزع أو بالأصح Dealer (الوسيط) ، يا خذ على كل لفة ( round ) مبلغ محدد من اللاعبين ومتفق عليه وهو عمولة ( 0.00275 )

    ولازم في نهاية اللعبة واحد أو أكثر يطلعون رابحين ، بس منو يدفع..

    الكازينو ؟ طبعاً لا

    ال ( Dealer ) ؟؟ طبعاً لا

    الخاسرين طبعاً يدفعون والدنيا بخير
    ــــــــــــــــــــــــــــــــــــــــــــــــــ ــــــ

    هذه ليست دعوة لمحاربة البورصات و أسواق المال بل هي دعوة للاستمرار وعدم اليأس عند الخسارة

    ***ملاحظة
    أنا لست بمقامر ولكن خبرة اكتسبتها من لعبة معروفة عالمياً ( بوكر ) و هناك مواقع على الشبكة تعلم هذه اللعبة للتسلية فقط .

Comments are closed.