مرحبا صبايا و شباااااااب
صبحكم الله بالنووووووووور و السروووووور
بخبركم عن سالفه ضايقتني البارحه و خبروني شو رايكم في الموضوع
ادري ان تكلمنا عن الموضوع قبل بس حان الاوان عشان نفتح صفحة نقاش يديده
البارحه شاله ماماتي و سايرين دراجون مووول
و لاني اعيد تأثيث حجرتي كنا نحاوط صوب قسم الاثاث و الاناره …و يو جدامنا ريالين
و عيالهم داخل المحل يلعبون على الشباري يعني جي قسم مال اثاث الاطفال و اليهال مستانسين…و جان واحد منهم يزقرهم و يقولهم يلا تعالو …البنت الصغيره يمكن عمرها 5 سنين نشت على طول و يايه بتظهر و هي تركض و تدعم الزجاااااااج دعمه ما تبا غيرها …دبففففففففففف صدق زلزال
انا قلبي عورني من قوة الصوت …حليلها تمت تصيح ..و الا اشوف الابو ساير يركض صوبها ..انا صديت ورا اشوف البنت و الا اشوف فلعه بنفسجيه مب طبيعيه في نص يبهتها يعني مسرع ما علمت يبهتها من قوة الضربه…و في هذه الاثناء وصل ابوها عندها…انا اتحراه بيلوي عليها و بيطيب خاطرها….و يعطيها كف بيديه اللي كبر القفعه على ويهها
انا واقفه فاجه حلجي؟؟ شو ذنبها انزين؟؟ انت يالس تصارخ تزقرهم و يوم يت تركض لانها ياهل ما لاحظت الزجاجه ..و تي انت تعطيها كف على ويهها!!!
انا و امي صدق كنا مبهتين و انا ابا اتدخل بس يودت عمري قلت ها الريال ما يستحي على ويهه جي يعامل بنته اللي من دمه و لحمه..انا الغريبه اتدخل شو بيسويبي؟؟ بحصل كف ثاني!!
الموهيم وايد تضايقت ..حسيت اني ابا اصييييييييييييييييح…تم صدق مزاجي متعكر ..شو ها الابو المتوحش ..ناس يتمنون العيال و يدفعون الالاف و مئات الالاف عشان يتعالجون ..وحليلها البنت كسرت خاطي بالقو من عقب فلعة الزجاج اييها ها يعطيها طراق!!
و انتو الله عاطنكم عيال تصفعونهم جي جدام الناس ليش يعني تتحرون الياهل ما يحس؟ الياهل يحس و ما ينسى و مثل هالمواقف تخرب ثقته بنفسه و تسبب له عقد نفسيه طول عمره !!!
شخصيا انا ضد الضرب عموما حتى لو في البيت…الانسان الفاهم المتعلم يحصل وااااااايد اساليب تأديب مب شرط الضرب على اي شي تافه..ترى اليهال لازم بيتشيطنون و بيلعبون و الا شحقه مسمينهم يهال
هكم عيالنا ما نضربهم و لا اصلا يسوون شي يستاهل الضرب..لكن احس اللي ينضرب يتم يعاند ..يعرف يحرق اعصاب هله عشان يستفزهم..و انا شايفه يهال من هلنا ييلسون يتشيطنون و يسوون كل اللي ما يرومون يسوونه في البيت..يظهرون حرتهم في تجمعات الحريم بس عشانهم يدرون ان امهم ما تروم تنش تظربهم في نص الحريم…يعني هي لو ما تضربه من الاساس و تتعامل وياهم بأساليب ثانيه مثل الحرمان و المكافأه..ما بتحط عمرها في هالموقف
انا ما انتقد الناس اللي يستخدمون الضرب وسيله تأديبيه..كيفكم ويا عيالكم.. مع اني ما افهم شقا قلبكم يطاوعكم تضربون طفل بريء…بس الضرب في مكان عام!!
شو رايكم في اللي يضرب عياله جدام الناس؟؟
والله يدبي بيبي المفروض انك تاخذين كرسي او اي شي وتغسلين شراع الاب لانها مب حاله
وخاصه الحين المدارس سكرة والناس يالسه تستعد حق السفر لاكن محد مهتم في عياله شكلهم امحصلينهم في اسحب وربح من اسبوع تضربة ويا حرمه من الجنسيه العربيه (موطنه او عربيه -منغير تحديد عن الحساسيه)والسبب انه ولدها حاط ايده بين العربانات في الكارفور الي في سنشري الي بيسحب العربه لازم بيجره ايد الولد يوم قلتلها يودي ولدك ردت علي اكثر من هذا شوتباني اسوي ,وهي مربيه ولدها احسن تربيه قرد ماشاء الله عليه قلتلها انا عادي عندي بسحب العربه بس هو الي بيتاذا وانتي بتحمليني القلط ودار المهازب بيني وبينها لو طولت شوي كانت بتاكل طراق بيلزقها في اليدار
ومره ولد راجو في هوم سنتر الي في الامارات مول سحب رف الابجوارات وطحنهم طحان وطر ويها عمره تغريبن 5او 7سنين بل كثير الحين منوه يتحمل القلط المحل او السكيورتي او راجو من الي بيدفع الفاتوره ؟؟
لاحول ولاقوة الا بالله
هذا انسان مب مافيه رحمه !!! هذا انسان متخلف متخلف متخلف
كثير من الآباء يضربون أبناءهم نتيجة رد فعل آبائهم عليهم .. وكل ما كان الأب طفولته مغموسة بالضرب ومشبوعة بالعدوانية غدوا أبناءه لهم نصيب منها.
والضرب احدى وسائل التأديب وقبلها فهو فن لمن يريد أن يتقنه ..
انا أتذكر جدام المارينا مول
اب وقدامه إثنين من عياله ضربهم كف بنفس اللحظه
واحد بيد اليمين والثاني بيد يسار
هاهاهاهاها
الضرب له فوائد
وله مشاكل
لكن كل شيء يزيد عن حده ينقلب ضده
هههههههههههههههه والله ايام حلوه
الوالد ( الله يطول في عمره ) ما يستانس الا يوم كان يضربني بالعقال وانا راقد !!! انش شرات المينون خخخخخخخخخخخ
بس الحمدلله الضرب منه فايده لاني صرت رحييم على عيالي ومااضربهم مع اني عصبي مووووووووووت