السلام عليكم أخواني الأعزاء في المنتدى
حدث لي موقف في كافور اليوم
أشتريت بضاعه معروضه في كارفور مسجل عليها قيمتها ودفعت الثمن وشكيت بأني دفعت أكثر من اللازم
وعليه قمت بمراجعة الفاتوره والبضاعه المشتراه ولقيت فعلا أنني دفعت أكثر من الثمن الحقيقي في جزء من البضاعه وعليه ذهبت إلى خدمة العملاء وإسترجعت المبلغ الزائد.
وعند ذهابي إلى خدمة العملاء حصلت فتاه كانت تعاني من نفس المشكله اشترت بضاعه بأكثر من المبلغ المدون عليها وبالفعل طالبت بحقها وأستردت المبلغ الزائد.
الحذر أخواني من ألاعيب كارفور
هاللعبه تصير
احيانا نسير ونشل سله ونشغل الكلكليتر الي فتلفون
واي غرض ناخذه نسجله فيوم نوصل الكاشير نلقاا السعر اكثر من الي فالكليتر
ومن باب الخجل نستحي نقول ناخف نكون نحن المخربطين
اغلب الجمعيات نفس الشي خاصه جمعيه الشارجه لابقين ضوووو لونشتري سوالف بسيطه كاكاو و عصاير و جبس و جي يطلع اللحساب 200 و اكثر و اذا سايرين نتشرى مير البيت لا تتردد و تعطيهم 1000
بس جربت اتشرى من كارفور نفس الشي
قلت بسير اللولو و الصراحه اترس العربانه و يطلع لي 200 و 300 و اذا اشتريت وايد وايد 600 يعني فرق و الله حتى في الاسعار الشكر الكيلوا ناخذه من الجمعيه تقريبا 4 و شي فلوس بس من اللولو اخذ 3 كيلوا يـ 6 و نص جي وايد فرق
بس عيب اللولو زحمه هنود تلقا 10 مسوين زحمه و الريحه اتقول مسيل الدموع بس تراهم يبوا يشتروا حل تاتا
بس الي يباه ايسير الصبح
<<< اسوي دعايه خخخ
يعني شي تلاعب في الاسعار من كارفور للجمعيه للولو
لانه حمايه المستهلك الله يرحمهم ان شاء الله
مره سرت كارفور ابغي صمون لقيت الجيسه الوحده على 6 ريال بذمتكم احين انا بسير اللولو و باخذ لي 6 اجياس بـ 6 دراهم
مثل ما قال راعي الموضوع احذرو
و السموحه
اخوي ليش ما تعلمون حمايه المستهلك ويحطون كمين لان اذا اكثر من زبون واكثر من كاشير نفس الخطأ المتكرر يعني ان الموضوع فيه ان وياخوفي مايكون منضم من الاداره؟
لان معروفه الي يطيح فيها الفقير اذا صارة الصجيه ( اقصد الكاشير )
هيه والله ونحن ندفع بدون مانشيكـ عالفاتورة ولا شي ..
والظاهر هم ركزوا على هالشي فقاموا يزيدون في الفاتورة , لأنهم متأكدين إن نحن ماراح نشيكـ
مشكوووور أخوووي عالتنبيه ..
شكرا ع التنبيه
كثيرا ماندفع من غير ما نتأكد من الحساب