السلام عليكم ورحمة الله وبركاته,
اخواني عيدكم امبارك وعساكم من عواده 
الصراحة انا اريد اتكلم بهالموضوع حتى ازيح من هم صابني بعد الي شفته في حديقة الهيلي هذه الحديقة الي كانت جزء من ذكريات جميلة في طفولتنا , رحتها اودي الصغارية ثاني ايام العيد وانصدمت لما دخلتها وكانت فاضية من الناس والالعاب الي كانت مسوية جو مثل قطار الموت والشاحوف والشواية والسنما المتحركة وغيرها من اروع الالعاب ماتشتغل الي يشوفها كانه يشوف سكراب وعليها لوح مكتوب عليها تحت الصيانة او مغلقة لا بعد فيه لوحة مكتوب عليها مغلق لاجل سلامة الزوار.
لا بعد تدفع قيمة التذكرة 20 درهم للي عمره اكبر من 5 سنين مع 20 نقطة تلعب فيها !!! تلعب فيها شو ما ادري.
والي يقهرك اكثر اكشاك صوب واربح او ارمي واكسب لا بعد يغثوك من كثر مايزقرونك وتلقى بعد محل للشيلة والعباية ما ادري هو سوق او حديقة وبعد محلات عطور .
والله العظيم اتمنى انها ترجع الهيلي لسابق عهدها بمهرجاناتها والعابها وفرحتها لان العين احلى مدينة ولو فتحو في باقي الامارات مليون حديقة العاب تبقى الهيلي احلى حديقة واحلى مكان. (لاحد يزعل وجهة نظر 
)
والسموحة
أضني هالالعاب صارلها اكثر عن سنة تحت الصيانة لأني احيد رحت الحديقة قبل فترة طويييييييييييييييلة على نفس الحال
والله لايرويكم الزحمة وصلت الحديقة الساعة 5 العصر وطلعت منها الساعة 7 ونص المغرب
مالفيت حتى ربع الحديقة ولا لعبت شي من الزحمة مع ان كان خاطري العب لعبتي المفضلة الاخطبوط لوماكانت تحت الصيانة
ولا لما كنا انييها ونحن صغار ما انخلي لعبة مانلعبها ومافي احلى منها سواء للكشتة او للعب،، اللي يبغي يروح الحديقة لازم يروح من غير مناسبة عشان يكون بروحه فالحديقة لووووول
ألف شكر لك وي على الموضوع ^_^
هيييه والله ..
احيد أيام الثانوية في راس الخيمة يوم يودونا الهيلي انطير من الفرحة .. احلى مكان ..
والحين عاد مانسمع عنها شي ..
روح اليوم او
سر شوف الحديقه اليوم
لو لقيت مكان تحط فيه غرشت ماى او لقيت مكان توقف سيارتك تعال قولى
صدقت أخوي
لها ذكريات حلوة
(التزلج و قطار الموت و مهرجان الربيع و و و و )
أشياء حلوة بس لازم تواكب التطور
كانت مقصد القاصي و الداني
و الحين ماحد يصد صوبها (الا القليل) من الشواب لتذكر ايام الطفولة ويا عيالهم
السلام عليكم اخوي انا وياك في ها الموضوع عشان الحديقة اول اما استلمتها البلدية ما اهتمو فيها ابدا ولا طورو فيها شي
وهذا الاهمال تم محله ولين باجر انا اقترح انها تنهدم وتنبني مره ثانيه بالعاب يديده واسوار يديده وتمسكها شركة وتطور فيها كل شي
وشكرا
اخوكم
ولد_الامارات