السلام عليكم ورحمة الهل وبركاته اخواني وخواتي اليوم الصراحه وضع مش طبيعي في كل الجمعيات الي واقف فوق لرصيف والي يضارب ويا المحاسب والي يضارب منو بيشل جيس الخبز اول عنبوه بلاها الناس الاكل مابيطيير ومابتصيير مجاعه عسب كل هالاكل ياخذوونه سرت المخبز قالك خلص الخبز والصمون سرت الجمعيه قالك ماشي خبز شو صايير؟؟؟؟ مادري شو راييكم حد لاحظ هالشي ولا انا بس؟؟؟؟؟؟
توني من ساعه راده البيت
خطفت الجمعيه ..ويا عاااااااااااااااااااااااااااااااالم و ناااااااااااااااااااااس
الواحد يروح يشتري مب مشكله…..لكن قولولي اللي يايب وياه الفريج كله لييييييييييش!!!
والله طماشه……قهر يا ناس
والله شو هالحاله..شفت جماعه يايين يمكن درزن..تقول رايحين رحله يا ريال…اثنين منهم يشترون و يحطون الاغراض و العشره الباقيين يايين تكملة عدد ومسوين زحمة واقفين عند الارفف و دق سوالف….!!!! يعني ما حلت السوالف الا اليوم و هني..
رحت صوب الاجبان ابا اخذ موزاريلا..الا اشوف اثنين من اخواننا الزلمات واقفين عند الموزاريلا…وحاطين اغراضهم و واحد منهم قابض الموبايل و يراوي الثاني ويتصاصرون….5 دقايق 10 دقايق..انا رحت اشتريت حليب وروب وربع ساعه ورديت والاخوان بعدهم مستريحين في مكانهم…عاد فولك ما عندها ون تو…روحي غصب يايه الجمعيه…واعطيهم من الزين…وانهد عليهم…
والله مب حاله
يابوي روحوا اثنين 3 بالكثير تشروا و خلوا غيركم يتشرى….مسوين زحمه ياييبن فريجكم كله ليش…ويوم يايين تتشرون ياخي اشتروا وخلصوا مب واقفين دق سوالف جنه ميلس بيتكم…
اقولك انا كنت ساير الشارجة العام الماضي ويلست ساعة ونص في زحمة شارع الامارات
وكنت مدخن ومضايق من الزحمة
ودشيت جمعية الشارقة عشان اشتري عصير وتمر اقولك ماقدرت امشي لا ن الطابور واااصل لين آخر الجمعية واظن كان 12 كاشير او اكثر كنت بصور بس حشمت الحريم
قلت اذا في الخط يلست ساعة ونص كم بيلس هني 3 ساعات
ماي المسجد ابركلي
قلت آخر مرة آآآآآآآآآآآآآآآآآآآآآآآآآآآآآآآآآخر مرة ايي الشارقة
امس رحت السوبر ماركت اشتري كم غرض
والله ندمت لما شفت الزحمة
كأنه شهر الاكل مش شهر الصوم
انا مخزن عندي في البيت 10 اكياس صمون و 20 قلاص جبن … وقبل رمضان باسبوع شاري من الجمعيه اكل بس ب 4000 درهم ههههههه …. تتدري رمضان لازم نستعد لدقيقه الافطار وانا يوم اشوف كل اصناف الاكل جدامي اشرب ماي واكل تمره وخلاص احس بالشبع …. اما لو كان قدامي بس كوب ماي وتمره احس بالجوع لوووول
وباجر بسير افصل ثياب للعيد والي بعده بشتري نعال …. تتدري الواحد لازم يحسب حسابه من الحين … انا الصراحه استغرب من الناس الي يتذكرون قبل العيد بيوم وهذا سبب الازدحام قبل العيد…(معقوله تذكروا قبل العيد بيوم لوووول)
ومبروك عليكم شهر رمضان مقدما
تحياتي
الناس الله يهديهم ما يشترون لـ رمضان الا ليلة اول رمضان ..
حنّه الا الاغراض ما تنزل الا اليوم ..
الحمدالله نحن بروحنا عندنا جمعيه و مـا نحتاج نضارب ويا خلق الله عشان اغراض رمضان ..
بس صج ماشي يسوى كل هالضرايب و المزاحمه ..
المفروض يبدون يشترون من اسبوع قبل الحين ..
اما بخصوص الخبز و الصمون يمكن لازم تستوي عليهم ضرابه لانه ما ينحفظ لفتره طويله ..
الله يعين واللـه .. ان شاء الله يعدي رمضان بدون حوادث او مشاكل ..