هذي المقارنة بين الوحوش الثلاثه الاكثر تواجداً في شوارع الامارات بإعتبارهم السيارات الرياضية السوبر ذات القيمه المعقولة .
أسعار السيارات الامريكية تتراويح بين 300 إلى 340 للكورفت والجي تي ار
و 200 الف درهم إلى 220 للموستنغ شلبي.
القوة :
النيسان جي تي ار الجديد بقوة 530 حصان
الزد او سكس بقيمة 5.5
الموستنغ بقوة 550 حصان
التسارع :
النيسان جي تي ار 0-100 في 2.9
الكورفت 3.8
الموستنغ 4.1
النيسان لتحقيق هذا الرقم هناك زيادة في عدد الاحصنه + تعديلات كاملة في شاصي السيارة واضافه الكربون فيبر
بإختصار الجي تي فعلاً حطم البورش توربو من جديد ! اللي رقمه 3.0
أترككم مع الفيديو الممتع المتبوع بسباق بين الثلاث
وحوووش
بس غريبه ليش يايبين الزد او سكس ليش مب الزد ار ون ؟؟؟؟
بصراحه هالثلاث سيارات دايما ابينهم تنافس
بس لو قلنا الدوج فايبر اي سي ار امبينهم ؟ صدق بيكون تنافس قوي و ماضني بيقدرون يقربون صوب الفايبر
و شكرا ياخوي على الموضوع
صراحه انا أيدك على كلامك
مب أي واحد أشترى كورفت وزرودها عرف يسوقها
بس شو تقول من الفديو الي حطه الأخ؟
العيب مش من الخيل من الخيااااال!!
حلوه المقارنه بس ظالمه للشلبي
بس الجي تي ار .. ما شاء الله روعه وسعره رخيص في امريكا 90 الف دولار مب هني 450 الف !!!!! وين يبون
ماشالله ع الكورفت والله انه ابداع .. حتى الجي تي اليديد سرعته عند خط النهاية اقل عن الكورفت .. يعني لو الدوسه من ع الماشي
الكورفت بيقول باي باي حتى حق جي تي 2012 .. كفر عليهم هالمهندسين اقل احصنة لكن اقوى واحد فيهم ..
اكيد بيون شباب و بيعارضون و بيقولون شوف الفيديو منو وصل النهاية قبل و منو وقته اقل .. لا تنسون الجي تي دفع رباعي
يعني له الافضلية فالقومه لكن لو ع الماشي ماشي مقارنه بالمره
مقارنة ظالمة بادخال الشلبي معاهم ,هذي السيارات مستواها عالي جدااا , اتوقع خلال الاعوام القادمة منشووف ارقام مفاجاة وخاصة من المرسدس وال بي ام دبليو.
شكرا