اليوم بكلمكم عن موضوع كــنت دايما الاحظه ونـاوي اني اكتب عنه لكـن ما سمحــت لي الفرصه ..
وانا اتصفــح المنتدى دخلت على موضوع المواطن اللي كـان مسكــن متسللين عنده في بني ياس .. ليــن الحين ما كانت عندي اي مشكلة وانا اقرى الموضوع .. مواطن خـالف القانون والقانون أخذ مجراه وتــم الحكــم عليــه ومعاقبته
هذا رابط الموضوع
لكــن الطــامة الكبــرى والشــي اللي خلا اعصابي تفور .. يوم اني شفت نــاس يعتبرون من مواطنين الـدولة يذكــرون الآخرين بأحدى الفئات الثلاث هذي ( يمني او ايراني او عمـاني ) وكأن كلمــة مــواطن انلغت من معجمهم.
انا بس عندي ســؤال للفئه هذي .. انتو ما تؤمنون بشي اسمه وطــن وجنسيــة ؟؟ اذا تؤمنون بهالشي على اي اساس كــل واحد منكم يزقر الثاني باحدى هالمسميات الثــلات ..وكـان مواطنين دولة الامارات انحصرو في الفئات الثلاث هذي ..
خــلاص المفروض تنســون الفئات هذي .. مهما كـان انتماءك السـابق .. حــاليا انته اماراتي .. سواء كــنت من اهل الامارات القدماء او المجنسين .
انتو في منتدى تتصفحه فئات من جميع انحاء الوطن العــربي .. هل هذي هي الفكره اللي تبون توصلونها للناس عن شعب الامارات ؟؟
لا الحكومة ولا انحن نرضــى بالفكــره هـذي .. وكل واحد يحط في باله انه الامــارات مع انها جنســت العديد من ابناء الخليج العربي واليمن والجــزر .. لكــن الامارات لهــا اهلها اللي ما خلوها لا في الرخا ولا في الشدة
وبـعد ما بنسى الاشخـاص اللي كــل ما صــارت مشكله .. قال هذا مجنس وكــذا ..
وكــلامي للفئة هذي .. هذا مواطن غصبن عنك .. وفي يوم من الايام ممكن يكون في موقع اعلى من موقعك ويخدم بلده اكثــر منك .. ودام انه الدولة أمنته على الجنسيـة فالدولة اعلم منك بشئونها.
وسامحوني اذا كــنت قاسي شوي ف كــلامي .. رمسة في خاطري من زمان وظهرتها
وبيض الله ويوهكم على سعة الصدر
بارك الله فيك والله يكثر من امثالك . واتمنى انه نكون كلنا يد وحده وقلب واحد مهما كان ولا تفرقنا العصبيات والقبليات في هذا الزمن الغدار .
تسلم اخويه ع الموضوع
الله يهديهم
المشكله يوم يحكمون ع الشخص على حسب تفكيرهم يعني اللي يسمعهم يقول يعرفون تاريخ ونسبه
قهر يوم تشوف ناس بعدهم على هالتفكير
خلاص ريال وغلط يتحاسب ليش تدخلون فأصله ومادري شو
تسلم ع الموضوع اخويه وان شاء الله الكل يستفيد منه
السلام عليكم ..
في ناس كثيرين يتمنون يمزقون هالوحده و الانتماء اللي الكل عايش في ظله بهالكلام و يحسبونه صغيره وما يدرون ان معظم النار من مستصغر الشرر.
مدام الشخص عنده جنسيه الدوله يعتبر مواطن و انتماءه يجب ان يكون للدوله هذي وطاعته لرئيسها ..
واللي يزيد الطين بله التفاخر الغبي اللي ما حبيته .. كل واحد قاعد يقولي ان عيمي ان بلوشي انا ما ادري شو و كان جنسيه الدوله مب عايبتنه ؟؟؟
صــح كلامــك والله انا بعد تفاجئت بكلام بعض الاعضاء الله يهديهم