بسم الله الرحمن الرحيم
السلام عليكم ورحمة الله وبركاته
انا عندي تنويه وبعض الملاحظات واتمنى من التجار واصحاب المكاتب العقاريه لا يزعلون لكن واجب علي ارمس باللي اعرفه
اخواني التنويه هو بخصوص الكهرباء بامارة راس الخيمه طبعا هذا الكلام ماخوذ من مدير بلدية راس الخيمه ومدير الهيئه الاتحاديه للمياه والكهرباء
اولا الكهرباء غير متوفره حاليا للعقار التجاري والعقار السكني واعتقد الكل عارف هذا الشي والكل شاف الابراج اللي عالكورنيش +مركز السفير اللي جانب نادي الامارات سنه بحالها واكثر وهم بنتظار الكهرباء طبعا ولله الحمد الحينه الهيئه بصدد تدشين محولات كهرباء ضخمه جدا تفي بالغرض لاهالي الاماره ومتطلباتها من الكهرباء وهي توجد في منطقة الفليه وهي خلف محطه بترول حميد ((الامارات)) ولكن لن يتم الموافقه على اي طلب في الهئيه قبل شهر اربعه للسنه القادمه واتمنى للي مومصدق يتاكد من مدير الهيئه وثاني ملاحظه بخصوص الخلو هل معقول ان المحلات توصل خلوها لل 50 الف للباب الواحد واكثر ليش انته تخسر وانا اعوضك ؟؟
ياريت يكون النقاش هادي
ومحد يزعل مني لانه التجاره لازم يكون صاحبها ذو خلق ويكسب الناس بصدقه مب بجذبه
وفي حالات للكذب كثيره مثل الواحد لما يشتري بيت جديد وصاحب العقار يقول الكهرباء قريبة الدخول ولما يشتريها الريال يكتشف انه يبالها سنه الي ان يتم توصيل الكهرباء بالله عليكم كيف راح يكون حال هذا المشتري ؟؟
اخواني تاكد من الخبر من شخص قريب جدا للشيخ سعود وكلام صاحب الموضوع صح 100%
تحياتي
انا اول شي احب اشكركم على التواصل والنقاش
لكن انا اللي ابا افهمه هل معقوله سعر الفوت او القدم لارض استثماريه يوصل 700 وانا مب ظامن اي سنه بتوصلني الكهرب حلو ان الكل يستثمر لكن بحدود العقل يعني البيوت اللي بمنطقة الظيت كم بيت يبنا حاليا مب اقل عن 2000 بيت حاليا وفي بقية قادمه وبقوه وهل من المعقول ان تتوفر كهرباء لهم كلهم والله ياخوي انا مره كنت يالس ويا مهندس كهربا وقالي بي بيوت يمر عليها سنه بدون ماتوصلها كهرباء هل معقول هالشي ليش الهيئه ماتتصرف ليش تعطي فلان وعلان وانته لو من راس الخيمه بتعرف من اقصد في ناس عندها ابراج تلاقي قبل مايجهز الاساس الكهرباء موجوده وناس بانيه من سنه مب لاقيه واحد فاز مافي اي توزيع صحيح واتمنى تعطينا رايك
بخصوص الخلو مثل ماقلت هاي بدعه مستحدثه واستحدثها اخوانا (( …….)) بارك الله فيهم ويصلحهم هل من المعقول انا ادفع خلو لمحل 350 الف درهم وانته مدخولك بالمحل كامل مصاريفه 1000 بالشهر يعني انته ربحت ضعف اضعاف والمشكله ياخوي في ناس تدفع هذا اللي يقهر انا بخبرك كم سالفه صارت لي
انا عندي راس مال وكنت افكر بكذا مشروع فقلت بشوف المشاريع الجاهزه اوفر واحسن ومريت على جميع انواع المحلات ماخليت فكره الا فكرت بها ومره مريت على مطعم بمنطقة الفليه فحصلته للبيع تعرف هالمطعم على حسب كلام صديقي من نفس المنطقه يقول بعمره ماشاف احد يشتري منه واكثر من مرتين فتح وبند تعرف كم يبونه خلو 380 الف خلو للعلم انه المحل ثلاث ابواب والاصول اللي فيه من كراسي ومعدات والله ماتسوي 15000 الف شووف عيني
هل ياترى في حل للخلو او قانون يمنع
دخول الكهربا لراس الخيمه هل بيرفع الاسعار والا بينزلها
البعض يقول دخول الكهربا معناه زيادة عدد البيوت معناه الايجار والاسعار بتنزل
البعض يقول العكس
شو رايكم؟