تنبية للاخوان الذين يشترون من مزادات دبي

السلام عليكم

بالنسبة للمزادات الي تصير في دبي على مدار الاسبوع ويعلن عنها في الصحف اليومية

هناك لعبة في الخفاء او كما يسمونها لعب من تحت الطاولة ……. كيف

اولا مافية نزاهه بالبيع من قبل اصحاب المزادات هو ياخذ نسبة معينة من قيمة السيارة مثلا 5% او 7% فمن صالحة ان السيارة تروح بسعر عالي لان كل مازاد السعر زادت النسبة فهو مستحيل يخلي السيارة تروح بسعر رخيص ولذلك يوجد هناك واحد من نفس المزاد يكون بين الجمهور او المزايدين وعنده الاسعار المتفق عليها مسبقا لكل سيارة فهو يزيد لين السعر المقارب لسعر السيارة في السوق
ايضا هناك صاحب السيارات الاصلي ان كانت سيارات شركة او مكتب ايجار او بنوك او اي جهات اخرى يكون هناك وهو ايضا يزود على السيارات الخاصة به لين يحصل السعر الي يبغية هو ويقتنع به عند ذلك يقف عن المزايده وكل ذلك يتم بعلم القائمين على المزاد في اتفاق مسبق بين صاحب السيارات وصاحب المزاد حتى اذا ما في احد اخذ سيارة معينة من صاحب السيارات ورست علية سيارته هو نفسه ما ياخذ علية نسبة
لذلك هو مش خسران ويحطيها في المزاد التالي.

هذا اعتراف شخص يعمل داخل احد المزادات هو الي خبرني يهذه الطريقة وفي واحد اخر خبرني ايضا انه اذا بغيت سيارات ممكن يسويلي حركة وخليني اشوف السيارات قبل المزاد واختار السيارات واعطيه سعر مع (عمولة) مثل ما سماها هو وراح يطلع اليارات من المزاد وماتدخل المزاد.

وبخبركم قصة صارت لي مع احد اصحاب المزادات بدون ذكر اسماء
لما كنت في المزاد شفت سيارة غالية سعرها ما يقارب 700,000 فلما دخلنا المزاد وتمت المزايدة على هذي السيارة الغالية رست على واحد بمبلغ 300 الف درهم بعد انتهاء المزاد جلست بالصدفة عند صاحب المزاد ودار بيني وبينة حديث وقلت لة لمن هذي السيارة قال هذي سيارتي الخاصه وحبيت ابيعها لاني مليت منها قلت بس حرام راحت بالرخص قالي لا انا ما بعت السيارة لانها ما جابت السعر الي انا ابغية وهذا الي رست علية السياره يشتغل عندي اصلا …. وبتسم وقالي عن اذنك.

هذا للعلم وللتنبيه وشكرا ووفقكم الله.