السلام عليكم ورحمة الله وبركاته
طبعا العنوان واضح انه تهكمي شوي لانه بصراحه زادت هذي الجمل بشكل واضح في القسم,,,ومش غلط ان الواحد يراجع نفسه في السعر ولاكن الغلط ان الواحد يبالغ في السعر ويكون متشدد في السعر بشكل غير لائق مثلا يقول السعر نهائي ومافي داعي حد يراجعني فيه او اللي هب عايبنه السعر يسكت احسن !!!!!! ياخي ليش اسكت انا في منتدى هب في معرضك او مجلسك ومن الواجب في هذا المنتدى ان الواحد يبدي رايه وخاصه من اخوانا اللي لهم خبره وهم كثر ما شاء الله في المنتدى عشان يوصلون المعلومه الصح..
وحد يتعذر بالتبخيس لانه اللي عذره التبخيس ما يرد ويكتب (تم تعديل السعر) وطبعا انقص عن سعر التبخيس اللي هو السعر الصحيح عند العرض الاول,,,, فانا اكتشفت بعض النقاط بخصوص هذ الموضوع:
اولا محد يكون متشدد في الكلام إلا اللي يعرف ان هذا هب سعر موتره وحاب يقص على عمره ومايريد حد يناقشه
ثانيا المتشدد في كلام البيع يحط في باله ان اذا الناس شافو هذي الثقة فيه يمكن يطلع واحد ساذج ويشتريه.
وثالثا ياااااااخي كيف يرضى الواحد يكون متشدد في الكلام عند العرض الاول ويرد يقول (تم تعديل السعر)!!!
رابعا اللي يقول يااخي كل واحد حر في حلاله انا اقول عيل كل واحد حر في ابداء رايه
الزبده ::: محد يسوي هذي الحركااااات إلا اللي مقتنع انه على غلط
والمثل يقول احم احم : من دق الباب ياه الجواب
ولا حد يزعل يا اخواني وتراني ما احتكيت ويا حد بس هذا اللي لاحظته
السلام عليكم ورحمة الله وبركاته
للرفع
موضوعك شيق ومفيد
موفق بإذن الله … لك مني أجمل تحية .
تسلم على طرح هذا الموضووع ..
ابصراحه كلامك صحيح ..
وماعليه غبار ..
ومثل ماقالوا الاخوان في المنتدى …
المنتدى صار اغلى من معارض العوير ….
اشكر كل من مر على الموضوع وابدى رأيه
بس ياليت واحد من جماعة (تم تعديل السعر) يبدي رأيه هنيه عشان مانظلم احد في حالة انه شرح شو سبب تعديل السعر :
وكل واحد له اسبابه واذا كان شي مقنع تراه ما قصر واذا ردينا على طير يلي ترى بتكون الصورة وضحت
نيسان 95 نظيف جدا جدا (يعني شوي ويحطوله نجمه في الملكيه لانه نيسان وايد شاطر) نكمل جدا جدا
مطلوب 37000 غير قابل للتفاوض لانه سعر مناسب جدا جدا (ونجمه للسعر يستاهل).يرد واحد ويقوله يالطيب انا عندي فتك 2002 بهذا السعر تشتري(الريال صادق)
فهل يعتبر الريال اللي عرض الفتك بخس في (الجدا جدا جدا) ياااخي الريال ياب سعر الفتك في السوق واللي هو حاب يبيعه وين التبخيس؟؟؟ ماعلينا
يرد راعي (الجدا جدا جدا) يزعل ويقول اتحداك انك تلقى نفس نظافة النيسان اللي عندي
طبعا بعد التحدي شي طبيعي انه كل واحد يسحب سيفه لانها اهانه والسالفه فيها تحدي
وطبعا تبدى الحرب ويخترب الموضوع بسبب السعر الاستفزازي اللي يخلي الواحد يحس انه غبي وهو يقرا الموضوع فلازم يرد
وطبعا عقب ما كل واحد صلح سيفه ,,,,,,,,,,,, نتفاجئ بالمقوله المشهوره
(تم تعديل السعر)
ويكتب تم تعديل السعر إلى 18000 الف وقااابل للتفاوض بالمعقول
قووووووووووووويه وترى يا اخوان اهم شي في الموضوع انكم تركزون على (قابل للتفاوض بالمعقول)ههه 
بس لاتخبرون حد
وعشان ماطول السالفه يتوفق راعي النيسان ويبيعه 13500
الخلاصه: من 37000 الى 13500
وتقول ليش زعلااااان
بس المثل يقول احم احم : من خلى عمره سبوس لعببه الدياي
لاكن الموضوع بسيط الجماعه بس اختلفو على 23500 درهم يعني السالفه ما تستاهل 
على العموم تحيتي للجميع والسموحه منكم كلكم
vip600
انته ريَال وايد زين
.. .. لكن تعال قول هالكلام حق واحد فاتح موضوع يبا يبيع شي …قوله بس غالي ولا اتنصخ … خمسين واحد بيرد عليك ..الا الحلال حلاله ويحط السعر الي يباه ..وانته تبا تخرب عليه ..ولا قول كلمه زينه ولا اسكت .. .. و يمكن تحصل ( باند ) بعد اسبوع ..
السلام عليكم ورحمة الله وبركاته
فعلا اخوي هذا اللي حاصل والشباب ماشاالله عليهم فاهمين السوق وعارفين الاسعار والمشرفين مب امقصرين معانا وعارفين تقيم السياره فماله داعي المبالغه فالاسعار لانه مابيقدر ابيع ويرجع يقول (تم تعديل السعر)
موفق بإذن الله … لك مني أجمل تحية .