السلام عليكم ..
شو افضل بنك او مصرف يمول السيارات ؟؟
اتصلت في مصرف ابوظبي الاسلامي قالي ياخذ فايده 4.99% على السيارات الجديده ..علما بأنه حسابي مب عندهم ..والي حسابه عندهم ياخذ عليه 4.49%
واتصلت في بنك ابوظبي الوطني ( حسابي عندهم ) ياخذ فايده 3.99% على السيارات الجديده ..
بس ملاحظ انه اكثر الناس تاخذ تمويل عن طريق مصرف ابوظبي … قلتله احيد النسبه عندكم 3.99% ..قالي الموظف انه ها كان عرض و خلص …
شو الراي … ؟؟
البنتلي
مرحبا اخووي
هممم ما في شي ان شاا ءالله بيكسر ظهرك..بس اهم شي تكون قد الدفعات اللي بتطلع عليك وحاول بقد ما تقدر انك ما تأجل ولا دفعه عشان ما ياخذون عليك فايده
من العروض اللي انا اشوفها..ارشح لك بنك ابوظبي الوطني لان فايدته اقل >> هذي اذا ما يهمك بنك عادي ولا ربوي
الشي الثاني
كم قيمه السياره؟
وطلع منها فايده 3.99%
وبتعرف تقريبا شهريا كم بتدقع
بس اهم شي اسالهم اذا في رسوم غير فلوس القرض عشان ما تنصدم
ولازم يكون عندك حساب جاري مب توفير
خبره لان سيارتي مولتها من بنك بوظبي الاسلامي..لان كان عندهم عرض
وللاسف فاتك عرض مصرف الهلال كانت النسبة 2.65 % شي جذي
استخير وتوكل..بس اهم شي السياره تكون في حدود ميزانيتك ولا تضغط على عمرك..
والتمويل خله ماكسمم 4 سنوات عشان ما تزيد فايدتهم لان ما تسوى تدفع لهم ذاك الزود..لانهم بيغرونك ب 7 سنوات ودفعات اقل..بس فايدتهم اكبر >> حراميه
واي سؤال حاضرين
تحياتي لك
السلام عليكم
انا سألت في مصرف الهلال وتقريبا نفس مصرف ابوظبي الاسلامي
صراحة اسعار الفايدة ارتفعت وايد عقب الازمة قبل كانت 3.99 لي 3.5
نصيحتي لك خذ السيارة كاش واذا ما تقدر ادفع جزء منها كاش والباقي تمويل او جمع وتريا
وين يا خويه أروم انا أمول الناس … انا بروحي ادور الي يمولني …
المشكله كلهم يمولون … محد يقولك لا … لاكن منو عاد الي بيعوي ظهرك و ما بيكسره .. ها الي أدوره انا ..
انا على بالي انت تبى تمول الناس هههه
والله يخوي كلهم في الهوى سوى انا مجربهم كلهم كل بنك العن عن الثاني اسمع مني صل الاستخاره والبنك الي تشوفه اقرب لك بدون تعب وويع راس توكل على الله
خلك على مينونك لاييك اين منه توكل على الله
.
الصراحه الي اعرفه انه مصرف ابوظبي الاسلامي كان عندهم عرض خلال شهر 6 وكانت النسبه 3.99%
جرب مصرف الامارات الاسلامي اسالهم !