تمول السيارة بدون رهن

18 thoughts on “تمول السيارة بدون رهن”

1. أخوي أنا مب معاك يوم إتقول (تلاعب وحيل) لأنه بنوكنا الإسلامية و لله الحمد عندها هيئات شرعية من علماء و مشايخ و ما أظن إنه يحقلنا نغلط في حقهم لأن ديننا الحنيف فيه بدائل لكل أمور الحياة

   و نصيحة مني لكل الإخوان ما حد يقول إن المعاملات في البنوك الإسلامية شرات البنوك الأخرى عشان ما نكون شرات اللي يقولون إنما البيع مثل الربا

   و المعذرة

   اخوي اول شي بنك دبي الاسلامي ماعنده شي اسمه تمويل شخصي .. بعض البنوك الاسلاميه الجديده مثل نور الاسلامي وغيره استحدثوا موضوع التمويل الشخصي الاسلامي .. اللي اعتقد فعلا انه تحايل على الشريعه الاسلاميه… لان الله حرم بيع المال للمال بآجل وبزياده .. ف يقولون لك انت اشتري معادن (( وانت لا شفت هاي المعادن ولا عمرك بتشوفها لانها مش موجوده اصلا والامر كله عالورق )) . يبيعونها لك بقيمة معينه وخل نقول بـ 100 الف درهم تشتريها انت باقساط ودفع آجل .. وهم يردون يشترونها منك ب دفع عاجل وكاش بـ 90 الف .. يعني انت حصلت 90 الف كاش وبتدفعهن 100 الف كاش مثلا !!!!!

   وهاي هي طريقة التمويل الشخصي” اللي اتحفظ اني اقول عنه اسلامي” .. اللي فيه شبهه واضحه وتلاعب واضح ..للي يتحرى الحلال في كل شي ..ويبتعد عن الشبهات مثل ما يبعد عن الحرام…

   ومن اتقى الشبهات فقد استبرأ لدينه وعرضه …

   فيه ناس تقول انه هذا اخف من الربا الصريح .. بس محد يجبر نفسه عالشبهات حتى لو كان مضطر ..

   والله يعافينا ويعافيكم من المال الحرام .. الواحد يداوم ويكد ويتعب … ومايتمنى يكون ماله الحلال ..يستوي حرام..

   والسموحه من الجميع

   __________________

2. شكرا للاخون على الرد

3. والله انا ما اشوف فرق بين البنوك كلها ربا اسلامي ولا عادي في الحالتين يستغلون ضعفك وحايتك ويضربون عليك فوائد واخرتها يقولون مرابحه

   الصرااااااااااحة

   انا ملاحظ ان اللي طايحين بالبنوك الربوية يكون ردهم نفس ردك !!!!!!!!!!!!!!!

   وعلى طاري المرابحة ، اذا حبيت تاجل القسط لظروف ولا شي ثاني ما يزيدون عليك عكس البنوك الربوية يوم يسمعون انه في تاجيل للقسط يفرحون لان السالفة فيها فاااااااااااااااااااااااااااايدة ربوية يعني فلوس زيادة
   ونفس الشي ببطاقات الفيزا

   دايما يقولون ما فرق بين الاسلامي والربوي

   وانا اقول انه في فرق كبييييييير لان بالبنوك الاسلامية لجنة شرعية تتخير الحلال

   والواحد على الاقل يبحث عن الحلال

   والحمد لله انه في بنوك اسلامية والله يكفينا شر البنوك الربوية

   __________________

Comments are closed.