السلام عليكم ورحمة الله وبركاته
اولا : تقبل الله صيامك وطاعاتكم وجعلكم من عتقائه من النار…آمين
اخواني انا وبعض زميلاتي نريد نتشارك ونؤسس مدرسة ابتدائية بنظام منهج بريطاني خصوصا ونحن عندنا خبرة بالتدريس بهالمنهج لمدة لا تقل عن 15 سنة
كم تتوقعون تكاليف المبلغ كامل مع الاخذ بنظر الاعتبار سعر قطعة الارض ومستلزمات البناء واثاث المدرسة ورواتب الكادر ….الخ
اتمنى تجاوبوني باسرع وقت لان اذا ما قدرنا على هالمشروع نفكر بغيره احسن ما نصرف فلوسنا
جزاكم الله خير بهالشهر الفضيل
السلام عليكم و الرحمه
انا مالي خبره بالموضوع بس حبيت اقول رايي … او اعطي نصيحه
اختي لو تسألين عن اسعار قطعة الاراضي في امارة عجمان و بالمساحه المطلوبه .. و هم بيعطونج السعر التقريبي …
و تروحين لعدة شركات بناء … و تشوفين بكم بيسوون لج المدرسه
بتكوني حددتي فكرة اكبر و اعمق … و عقب استشاري في الموضوع …
بس انا اتوقع ان التكلفه بتكون بحدود المليون لل المليونين … توقعاتي من ارض و بناء
و السموحه
قيصر
اخوي S4udi
جزاك الله الف خير على ردك
نحن توقعنا المبلغ بيكون 5 مليون وصاعد بس مانريد نبلش قبل ما نعرف التوقعات
عموما مشكور وجزاك الله الف خير
موفقه اختي
وبالنسبة لدراسة الجدوى للاسف ما اقدر افيدك بهالخصوص
بس اتذكر من 5 سنوات اسمع صديق لي يناقش مع شريكه موضوع تاسيس مدرسه خاصه والحسابات التقريبيه لها ومدرستهم الحين شغاله وماشاء الله ارباحها طيبه
طبعا كانوا يتناقشون بان سعر التكاليف راح يتحدد بـ حجم المدرسة ( عدد الفصول )
واتذكر بحسبة مبدئية كان يقول العشرة فصول يتراوح تكاليفها من 100الى 150 الف ( من غير سعر الارض والبناء )
وطبعا بما ان مدرستكم تواكب التطور يبيلها اجهزة حديثه فناخذ بعين الاعتبار مبلغ 130 هو المناسب لمجموع 10 فصول
واحسبي على هالمبلغ تكاليف الارض + البناء + الرخص ( مدري اذا رخص المدارس مكلفه والا رسومها رمزيه )
وطبعا الاقبال بالسنة الاولى احتمال مايكون متوقع فتاخذين بعين الاعتبار نسبة من راس المال تروح لبعض رواتب المدرسين او المواصلات
ولو تبين حسبة مرتبه واقرب من هالحساب الملخبط اللي انا مسويه انصحج تسألين اي شخص له باع في تأسيس المدارس او تتوكلين عالله وتسوين دراسة جدوى للمشروع
واسمحيلي على الحسبه
مجرد اطلاله على الموضوع ^_^
السلام عليكم
والله انا تعشمت اني القى ردود كثيرة بس انت جزاك الله خير اللي رديت…يمكن صيام وطاعات وعبادة والاخوان والاخوات مو فاضيين
انا من عجمان
وابغي المدرسة بعد في عجمان
انا ما ابغي استغل احد او اخذ دراسة جدوى…بس حبيت اخذ فكرة عامة عن المبلغ التخميني…حتى نشوف اعمارنا نقدر ولا…ما نقدر
جزاك الله خير
بالتوفيق اختي أختيار موفق ان شاء الله….. في اي أمارة ؟