تقيم ,,,,الرجاء المساعده

8 thoughts on “تقيم ,,,,الرجاء المساعده”

1. السلام عليك يا بوسلامة..

   مبروك على الطراد اليديد ونصيحتي لك .. حسب معرفتي..

   مكاين الميركوري حلوة وقوية وسريعة … بس يبالها صيانة مستمرة يعني كل شهرين أو ثلاث ادخلها الوكالة يشيكون عليها.. سعرها أرخص من الوكالة وعليها كفالة فترة أطول من الياماها .. بس سعرها ينزل بسرعة.. مثل سيارات الأمريكي ..

   مكاين الياماها حلوة وأقل قوة من الميركوري وأقل سرعة وأقل صرفية بترول .. والصيانة مطلوبة بس مش مثل الميركوري .. مال كراف .. سعرها أغلى وكفالتها أقل .. وسعرها فيها يعني ما ينزل سعرها مثل سيارات الياباني …

   احيد كان عندي مكينة 75 حصان ياماها موديل 99 والله 3 سنين ما جاسها ميكانيكي لا زيت مكينة ولا زيت جير ولا شي وكانت ماشية ولله الحمد .. طبعا هذا مش حكم كل شي يبغيله صيانة ..
   والحين عندي مكينة 115 ياماها موديل 2007 ماشاء الله عليها ممتازة جداً ..

   نصيحتي …. خذلك مكينتين ياماها 140*140 (2) ستروك أو (4) ستروك .. وإن شاء الله تتوفق فيهم ..

   تحياتي لك ولا تنسى اطلعني معاك خخخخخخخ

2. up up uppppppppppppppppppp

3. السلام عليكم ,,,,

   مشكووووورين ياوجوه الخير على النصايح , الطراد من مصنع هاي بوت الي في بوظبي خزان البترول 58 جالون الماي 40 جالون و زن الطراد يتراوح مابين 850 لين 1000 والغرض منه حج كشته و سمج في نفس الوجت , و للعلم ان من بوظبي ,,,,, بس ابا اعرف احسن الياماها او المركيري . و مشكوووررين

4. سلام عليكم و رحمة الله,,,,,,,,,

   ان عندي طراد 27 قدم وحاب اركبله مكاين , في شباب قالووولي عليك بل يماها 200 و ناس قالوو 225 ميركوري اي اف اي , فا الله يرحم والديكم افي دووونا بل نصيحه ايذا اتكرامتم ,,, ومشكووورين على المرور.

   السلام عليكم ورحمة الله وبركاته

   عزيزي

   كل طراد وله وزن ومكاين تتناسب معه

   من الافضل ان تذكر نوع الطراد ووزنه بكل ما فيه من معدات ( خزانات البترول , الماء , الثلاجات وقبل الشراء تستشير الوكيل لينصحك بالنوع المناسب

   ال 200 او غيرهن يعتمدن عليك ان كنت من هواة السرعه او بتشل اوزان كبيره او غيرها وفيما تريد تستخدم الطراد ( نزهه او سماج )

   للنزهة والرحلات البحريه الخاصه او السماج عندك من ال 75 فما فوق الين ال 140 بعد لكن المفروض تعرف كم بتشل وياك من الاوزان والسرعه الي تباها

   ……………………………….

   الياماها والميركوري كل منها لها خاصيه معينه ويعتمد بعد على مكان وجود الطراد حتى لاتزيد عليك تكاليف الصيانه خاصة ان كنت في منطقة بعيده عن بوظبي او دبي

   السوزوكي خلك بعيد عنها لكثرة اعطالها

5. السلام عليك اخوي انا انصحك صراحه تركب له مكاين ثنتين نوع ياماها فور ستروك حجم 100 حصان لانها مسوايه حق الكراف خصوصا 100 حصان لانها مب نفس المكاين الثانيه اللي تزيد عليها في الحجم مثل ال200 وال 115 وما انصحك تركب سوزاكي لانه اللي ركبو سوزاكي من سنه الحين طلعة عندهم اعطال وبالتوفيق

Comments are closed.