مرحبااااااااا شباب و صبايا
اشحالكم ؟
مثل ما تعرفون رحت خصب يوم الخميس الموافق 27122007 و رجعت السبت 29122007
والصراحه كانت الرحله روعه بمعنى الكلمة… و متروسه مغامرات خخخخ…واستمتعت وايد وايد…
واحلى شي كانت الرحله البحريه و المطر اللي نزل علينا في شارع الامارات قبل لا ندخل راس الخيمة بنص ساعه…
فقلت لازم احط لكم تقرير و صور الرحله..عشان تتشجعون و تروحون….
وان شاء الله تستمتعون بالصور ..ولو انها مب واضحه وايد لاني نزلتها في البوربوينت عقب ما صغرتها عشان احط الاسم عليها…بس يلا مال مش حالك…المهم انها تفي بالغرض
…
هني في شارع الامارات…تجمعت الغيوم….واخوي يقول لي اسرعي هذا اعصار خخخخ سوالنا فلم تويستر…ونزل علينا المطر بعد دقايق من تصوير الصوره…
…
اليبل ملون ( ظلال + اشعة الشمس من بين الغيوم ) قبل شعم
..
في شعم .. شفت العلم العود … واستغليت الفرصه انه اهلي بعدهم ما وصلوا وانا سابقتنهم بربع ساعه..فنزلت مع الشبيبة اللي وياي هههه (( اخواني الصغار 2 و ولد اختي و ولد اخوي )) …وتسلقنا اليبل (( حلوه تسلقنا))..زين ما طحت ..كل ها في سبيل اني اصور لكم العلم..
طبعا ما قدرت اصعد اكثر من النص و مع شوية زوم هاي النتيجه 
..
بين نقطة راس الخيمة و عمان…
….
ونحن نأمن السيارات…تجمعوا علينا التيوس والعنز…خخخخخ…اليهال قاموا يأكلونهم بسكوت…وعقب ما خلصوا طاحوا في الكلينكس…خخخخ
وما اعرف شو سالفة هالتيس من وقفت و هو واقف يتمنظر و مبتسم بعد خخخخ..
…
في الدرب .. ربع ساعه من النقطه الى قرية خصب…الصور مب واضحه وايد كنت اصور و انا اسوق..بس عالطبيعه وااايد اروع والجو رهيب..الساعه كانت 2 الظهر لكن الجو كأنه المغرب
..
رحنا البحر لعبنا و شوينا وسوينا كرك…
وامواج البحر كانت غريبه..نشوف لون فسفوري اخضر بين الزبد..واشياء فسفوريه تلمع في البحر من بعيد..اختي قالت اكيد دول (( قناديل البحر ))..لكن بعد التحري و التقصي و التمعن الشديد اكتشفنا مصدر اللون الفسفوري هي اسماك صغيييره….اشكالها روعه و هي تتقافز بلونها الفسفوري..صورتهم لكن ما بينوا للاسف من كثر ظلمة المكان
…
القمر كان منظره رهييب…فوق راس الجبل و نوره ساطع عالبحر بطريقه عجيبه….سبحان الله
شوفوا بداية تكون الضوء على الماي بعد ما بدت الغيوم تبتعد عن القمر…
…..
اخوي ما ابي الخساره
شي فلل فيها اربع غرف على 1200…واظن شي غرف اقل بعد
نصيحه مني ابتعد عن فدنق البحيره (( قدى سابقا ))
عندك
فندق خصب (( 3 نجوم )) الغرفه الدلوكس على 600 درهم
الاسراء للشقق الفندقيه
فندق جولدن توليب (( 5 نجوم )) تبعد عن القرية ب 5 او 10 دقايق…سعر الغرفه الدلوكس اظن 900 او 700 ما اذكر بالضبط
…
بس لازم تحجز قبل بفترة لكثرة الاقبال على المنطقة من السياح
ترى أكبر سلاح المرأة هو مد البوووووووووز وكل ما كان البوز أطول تكون أقوى بالاضافة للدموع واللسان الطويل
ما شاء الله تقرير رائع وصور جميلة .
الحمد لله على السلامه فولك دبي.
شكرا. ونتريا صور الرحله اليايه.
زين يوم إنك مطيتي بوزك شبرين وطلعت الرحلة على خصب يعني لو مطيتيه شبرين بعد
كان وصلتوا كراتشي ..أو تايلند …. خخخخ …أمزح فولكووو
بصراحة صور مرتبة والموضوع مرتب ومنسق بطريقة فنانة
وشجعتينا جميعاً على الرحلات …ألف شكر لك فولك..
ما شاءالله على طريقة العرض الممتع والصور الحلوة
تصلحين تكونين صحفية