تقرير من عندي عن mitsubishi galant 2009

السلام عليكم

شحالكم شباب عساكم بخير

اخليكم اول شي مع صورها

الاشياء الزينة في الجالنت هي

سعرها عند شرائها
قوتها
كراسيها
تكيييفها من احلى السيارات الرقم واحد يكون مكيفها 7 سرعات
قيرها توبروتونك
ثباتها
بركياتها
حجمها
صرفيتها
مواصفاتها حلوة وايييد
____
طبعا الجالنت اتيي بمكينة 2.4 بقوة 170 حصان والموتر مشيه وايييد حلو وقوي
وايي بمكينة 3.8 بقوة 258 حصان اظن

_____

الجالنت مافيها خرابات وصرفيتها معقولة جدا وثباتها وايييد حلو وقطع غيارها زينة مقارنتا بباقي السيارات والاهم من جي حتى لو البعض يقول قطع غيارها شوي غالية انا اقول له على الاقل فيها كواليتي والجالنت سيارة تعيش والرقم واحد اتكون ب 7 ايرباقات او 6 ما اذكر

الجالنت رقم واحد سته سلندر سعره 85 الف ما كاميرا خلفية وكراسي كهربائية وجلد ورنقات غير عن الي في الصور

والي في الصور فوق هاذي الرقم 1 4 سلندر

وعلى فكرة الجالنت ما تدخل هوا وايييد يعني بالنسبة لي احسن عن اللومينا والالتيما

والرقم اربعة تبدا من 57 الف الى 85 الف للسته