بسم الله الرحمن الرحيم
السلام عليكم ورحمة الله وبركاته

اخواني حاب اتأكد منكم اذا هذا الخبر صحيح او لا . يقولون ارقام دبي بتتغير جريب فأذا حد عنده خبر بخصوص هالموضوع نتمنى لو يفيدنا ولكم كل الشكر والتقدير

8 thoughts on “تغير ارقام دبي”

  1. اخوي ارقام بوظبي الفئه الخامسه
    ترى المفروض الرقم الاحمر الجديم يصير الفئه 1
    واخضر الفئه الثانيه اعتقد والازرق الثالثه اعتقد
    وعلى هالشكل بس لين الحين مابدو فيهن ..

    ارقام دبي اشوفهن احلى من ناحية الكود لانه حروف وارقام
    والاسم مكتوب بالعربي والانجليزي dubai-دبي
    بوظبي بس الامارات-ابوظبي بس في كتابت
    الارقام اشوف خط كتابت ارقام بوظبي احلى
    ابصراحه هاي وجهت نظري ..

    اخوي جاد جدا :-
    حاليا من كل رقم يوجد مثله في دبي 8 ارقام
    واذا شلنا ABC لانهم جدام يصيرن 5 DEFGH
    وابوظبي 5 ارقام تتشابه اذا شلنا لجدام يصيرن 1 وهو الفئه الخامسه
    ولاتنسى انه دبي بدأت في
    بيع الارقام من تقريبا قبل 10 سنوات وابوظبي
    صار لها سنه تقريبا

    بعد اقول لي رجعه

  2. الخبر غير صحيح اعتقد ..
    وارقام دبي مب محتايه تعديل
    بسيطه ولها هيبتها ..
    ولي رجعه

  3. صدقت اخوي صافي وهالكلام قلته لواحد شاورني اشتري رقم من مزاد دبي ولابوظبي قلتله لوتبا دبي وايد سلعته مقلده في السوق ومع الوقت بنزل سعره وخصوصا مع كثرة الفئات بدبي وبكل اماره تلقا رقمك امية رقم شراته بالامارات بس بوظبي اصلي مافي نقلي … مالك شبيه …مميز ولالك شبيه ومثيل

  4. اولا شكرا ع المرور اختي الكريمه ثانيا انا اقصد شكل اللوحه بيتغير مش الكود وثالثا صراحه اللوحات الحاليه مالها هيبه وتميز شرات قبل لان معظم الارقام صارت شبيه لرقام دبي والرقم الوحيد المميز جدا حاليا هو رقم العاصمه بوظبي الفئه الخامسه فعلا غير

  5. باعتقادي ان الخبر غير صحيح

    لأن صعب جداً بعد ما تنزل اكواد ويعملون مزادات وصار لها قيمة في السوق يغيرونها

    ثم ان كم مرة دبي تغير لوحاتها هذا مب فصالحها وشو فيها اللوحات الحالية ؟

Comments are closed.