السلام عليكم ورحمة الله وبركاته
في ظل اهتمام القيادة الحكيمة لتطوير العمل التربوي بالدولة
فمن حرصي أردت أن أكون من ضمن هذا التطور ففكرت في تكملة الماجستير في إحدى الجامعات البريطانية فوقع الاختيار على جامعة نيوكاسل – تخصص إدارة وقيادة لمدة ثلاث سنوات منها سنة دراسية كاملة دراسة اللغة الانجليزية .. فبعد أن أحضرت كل الأوراق و الموافقات ومن جميع الجهات وصبرت على هذا الموضوع تقريبا سنة وثلاثة أشهر حتى إني وصلت لمرحلة قلت مستحيل المجلس يرفض .. ففي نهاية شهر 9 اتصلت في المجلس فكانت المفاجأة إنه المجلس رفض الموضوع .. فسألت السبب .. ليست هناك اجابة .. قلت ماشي فايدة لازم أراجع المجلس فكانت المفاجأة الثانية يوم سألت عن سبب الرفض فقالوا لي سبب الرفض يرجع إنه ما عندك بحوث تقارير ودورات ودرجتك في اختبار الايلس مب زينه {3,5 – بدون دراسة } .. فكل هذه الأشياء مقدور عليها بالجهد والتعب ..
فسألت نفسي ليش هم ما عرفوا إنه ما عندي بحوث وتقارير ودورات في الإدارة والقيادة إلا في شهر 9 مثلا .. أم الموضوع يبيله بعد واسطة
,, وربي شاهد على ما كتبت إني قلت ببذل كل جهد وطاقة لدراسة الماجستير ,,
لكن في النهاية قدر الله وما شاء فعل
وصباحكم ماجستير ودكتوراه
المجلس يحط في الإعتبار عدة عوامل يوم تقدم لإكمال دراستك.. و خصوصاً الماجستير و الدكتوراه، لا تنكر الواقع اللي يقول صعب في سنة وحدة بس تييب مستوى 6-7 اللي هو المطلوب في العادة لدراسة الماجستير او الدكتوراه من 3.5، حضر نفسك ياخوي و جهز امورك و أتوقع انك بتنقبل إن شاء الله، و انا اعرف ناس انقبلوا عن طريق المجلس و خلصوا الحمدالله من ماجستير و من دكتوراه.. و الله يوفقك إن شاء الله.
ما قصرتوا شباب
متدنية صح بس عندي سنة تحضيرية للغة اعتقد إنها كفاية عشان الواحد ياخذ لغتهم
ربك كريم
ما عليه حااول تيبلهم ايلتس أعتقد فوق 6 وكم تقرير وبحث ( عم جوجل ما يقصر )
ورد قدم مره ثانية …. وإن شاء الله امورك تتيسر ..
بس ياخوي درجتك في الايلس جدا متدنيه. و الايلس عباره عن معدّل الـ “سماع، قراءه، كتابه و محادثه”. يعني عندك درجات أقل من 3.5 في بعض الأقسام.
على العموم،
أنصحك إنك ما تيأس.
إن ما حالفك الحظ هالسنه، تقدر تقوّي نفسك السنه اليايه و تقدّم.
موفق بإذن الله …
لا يأس مع الحياه دام انك حاط في بالك تاخذ الماجستير بتاخذه بإذن الله ولكل مجتهد نصيب ..