تعالوا نتذكر المقالب اللي سوينها حق اهلنا وربعنا ؟؟!!

21 thoughts on “تعالوا نتذكر المقالب اللي سوينها حق اهلنا وربعنا ؟؟!!”

1. قبل كم سنه كانت عندنا بشكاره سيلانيه و اخوي دوم يلعوزها …مره كنت في الصاله و باب الصاله زجاج يطل على برع و اشوف البشكاره ميته من الضحك في الحوي و اخوي وراها ويهه محمر و قافط

   طلع الحبيب اخويه مخسس فيها..لابس شيله و عباه و مسوي عمره طلابه و دق الجرس و ظهرت له البشكاره و تم يلعوزها و هي مصدومه بلاها الطلابه وقحه..شوي و الا ابويه ياي داش البيت بسيارته..فاخوي زاااااغ و سار يركض ينخش ورا الباب ( لان يدري اذا انجك مسوي هالحركه بيحصل له فتنه ملتهبه) و البشكاره تقول بلاها الطلابه المينونه تنخش ورا الباب…اخر شي شلح اخوي الغشوه عن ويهه و الويه محمر و مشكل و البشكاره طبعا شمتت فيه و لا شماتت ابله طازا

   اما عن نفسي ما احب اخسس في الناس < < مؤدبه لوووول

2. للاسف ما اعرف اسوي مقالب لاني بسرعة انكشف
   واذا حد بيسوي فيني مقلب بسرعة اصدق يمكن لأني على نياتي ^^

3. موقف حلو سويته حق بنت عمي قبل شهرين يمكن

   اتصلت عليها وهي كانت عند أهلها ..

   وغيرت صوتي و رمست لبناني .. قلت لها ألو .. قالت : الو !

   قلت لها هيدا تلفون (…. ) وذكرت اسم ريلها طبعا

   سكتت لبرهه .. وأحس الشرار طالع من عينها قالت : اممم هيه تبينه ؟

   تخيلت ريلها عندها في نفس اللحظة .. عادي ارتكبت فيه جريمه

   قلت لها : طيب هوو وينه .. عطاني هيدا الرأم وأل أتصل عليه متى ماأنا بدي أسمع صوته

   طبعا ماعرف كيف شكلها .. تمت جيه دقيقه تفكر عقب قالت :

   حشــــــورة .. ويا هالراس

   طبعا انا قاعده اضحك .. وهي مشتغله سب فيني

   متحلفه ترد لي ايااها بس ماعرف متى

4. فكـــــرتك حلوه ….. باسويـــد

   انا بقولك عن مقلب سويته في اخواني ….

   مثل ما هو معروف العصر بيكونون يا في النادي يا بالصالة يتمرنون ….

   يوم ايون جريب المغرب يفتحون الثلاجه وما يشربون غير العصير اللي انا شارتنه (بيغمه وحده وبدون نفس) والكاكاو بعد..

   مره مرتين تحذير مافي فايده ….. يا شباب شو يصلطكم عليه ؟؟؟ مافي فايده

   قمت غيرت قطع الكاكاو بقطع المسهل واللي شكلها مثل الكاكاو ..

   ومزرت العصير ملح ..

   والبقيه معروفه ….. يغمه(رشفه) من العصير تخليهم بسرعه يدورون شي يحلون به .. وماشي غير الكاكاو يا الله حبيتن ثلاث ورا بعض ……………..
   هم والخير ارباعه

5. انا بخبركم مقلب سويته في ربيعي

   كان شاري توه مرسيدس يديد من فئة E بس كان حجمه 200 واربع سلندر

   وكنا نضحك عليه ونلقبه تاكسي الغزال والكورولا

   ويتنا انا وربيعي فكرة

   سرنا الجريدة وحطينا اعلان في جريدة انجليزية بها الطريقة

   Mercedes like corolla
   4 Cylinder
   but more power full
   and the price less than corolla
   for 35 000
   call …………………والحبيب ربيعنا ما يعرف انجليزي

   ويدقلنا تلفون وما بقى سبة ولا بقة رمسة ما قالها

   وعرف انا نحن مطرشين

   يخبرنا ربيعه في الدوام

   كانوا يدقوله يقولوله كورولا ليك مرسيدس

   يقولهم نو مرسيدس اونلي

   وتم زعلان فترة

   بس اسميه تم متمسك بسيارته ونحن اللي تمينا نبييع ونشتري ولا مترقعين بسيارة

Comments are closed.