صراحه حبيت احط هذا الاعلان لاخوان الاعضاء المنتدى والزوار شفت ورشه تغير لون السياره من غير ما تصبغها يعني تحافظ على لون السياره ونفس الوقت تغير لونها يكون افضل لك لانه في البيت ما بتحصل اي حد يطمش ويتفلسف ويقول لك مصبوغه حبيت ترد اللون القديم تقدر تزيل الاستيكر وفي الوان مش موجوده اصلا بالوكاله مثلا اوف بلاك و ابيض لمّاع والوان ثانيه انا صراحه زبون دايم عندهم واول مره اشوف هذي الخدمه وتكلمت مع صاحبها الاجنبي في امور تخص الصبغه والاسعار ..الصبغه هي مثل الستيكر ، مستورد من امريكا .. بصراحة مستحيل تميزون بين الصبغة والاستيكر .. و نوعية ممتااااااااااااااااااااااازة مما تتأثر بالشمس ولا تتأثر بالعوامل الجوية..لقيت عنده اكثر من سياره منها الجي تي ار والبورش كايين والرنج الاسبورت و صورت لكم سيارتين..

هذي رنج لونها الاصلي ابيض غير لونها الي لون نحاسي ..

بورش كايين لونها الاصلي عنابي وغيروها الي لون ابيض لؤلؤي لماع

قبل

بعد

بالنسبه للاسعار يقول صاحب الورشه السياره الوحدة تكلف بحدود 20 الف درهم و الأسعار تختلف حسب اللون المطلوب..

ورقم صاحب الورشه0506612176 قولوا له احنه من طرف بو منصور وان شاءالله ما بقصر وياكم

والله يشهد عليه اني بس حاب افيدكم ومالي اي مصلحه ولا عموله بالموضوع

68 thoughts on “تريد تغير لون سيارتك من غير ما تصبغها؟ كيف؟؟؟؟؟؟؟؟”

  1. ماشاء الله شغل عدل ياخوي اتعرف سعر اللون الابيض لؤلؤي اللماعي اللي على البورش
    وشكرا

  2. أخوي ممكن اتفيدنا كم ياخذ الشغل وقت؟؟

    حسب ما ذكر صاحب الورشه 3 ايام
    وشاكر لك مرورك

  3. انزين عندي سوال وجيه……….

    اذا غيرت اللون اتسيلر المرور اتغير لون السياره؟؟؟
    لأن اعتقد لو فيه تفتيش وفي الملكيه لون والسياره لون ثاني

    سلم على المخالفه والحجز والنقاط السود

    تحياتي

    اكيد لازم تاخذ اذن من المرور والترخيص
    بتغير لون السياره سواء كان استكير ا
    او صبغ ولا مثل ما قلت على طول
    حجز السياره شاكر لك مرورك
    وتحياتي لك

  4. شكرا لصاحب الموضوع وكل من ساهم فيه
    لي رجعه ان شاء الله بعد ما اغير لون موتري ^_^

    الشكر للاخوان اولا واخير وكل من تفاعل مع الموضوع
    ولا تنسا تنزل لنا صور سيارتك نكحل فيها عيونا
    قبل وبعد وشاكر لك مرورك اخوي

Comments are closed.